Bob “aqlli uy” tizimini boshqarishda dasturiy muhitning roli

ARDUINO MIKROKONTROLLERLARI ASOSIDA GAZ SIZIB CHIQQANDA OGOHLANTIRISH BOSHQARISH TIZIMINI

SHAKLLANTIRISH

3.1 Arduino Mikrokontrolleri

Arduino Uno kontrolleri ATmega328 mikrokontrolleri asosida yaratilgan bo'lib, platforma 14 ta raqamli kirish/chiqish, (ulardan 6 tasi KIM(Широтно- Импульсная модуляция) sifatida foydalanish mumkin), 6 analog kirish, 16MGsli kvarsli generator, USB porti, kuchlanish porti, ICSP porti va qayta yuklash tugmasidan iborat (3.5-rasm).

3.1 rasm. Arduino Uno mikrokontrollerining tuzilishi
"Uno" so'zi italyanchada bir degan ma'noni anglatadi. Bu bejis emas, Arduino Uno yaratuvchilari bu yangi kontroller Arduino kontrollerlar oilasida yangi burilish va yangi flagman yaratishga harakat qilishgan va buni uddalaganlar. Sababi, Arduino Uno Arduino kontrollerlar oilasidagi eski versiyalariga nisbatan ancha ixcham, qulay, tez, oddiy va albatta arzonroq hisoblanadi.
33

Bundan tashqari, Arduino Uno qurilmasi unga ulangan USB yoki tashqi manbadan kuchlanish olishi mumkin. Bunda, agar manba bir nechta bo'lsa, ulardan biri avtomatik tanlanadi. Arduino Uno kontrolleri asosi ATmega328 mikrokontrolleridan tashkil topgan. Bu mikrokontroller 32 kB flesh xotiraga, undan 0.5 kB qismi yuklovchi uchun ajratilgan, bundan tashqari 2 kB tezkor xotiraga va 1 kB EEPROMga ega.

14 ta raqamli chiqishning har biri yoki kirish yoki chiqish uchun sozlash mumkin. Bunda pinMode(), digitalWrite() va digitalRead() funksiyalaridan foydalaniladi. Bunda har bitta chiqish joyi 20-50 kOm qarshilikka va 40 mAgacha tok kuchi o'tkazishi mumkin.
Arduino Uno kontrolleriga Arduino dasturi yordamida dastur yaratilinadi. Buning uchun Arduino dasturida menyuda Tools>Board va u yerdan "Arduino Uno" tanlanadi.
Yuqorida aytilganidek, bu kontroller juda ixcham o'lchamlarga ega bo'lib, uning tomonlari 6.9 va 5.3 smga teng. Bu esa o'z navbatida undan foydalanishni yanada yengillashtiradi.


3.2 rasm. Arduiono Uno kontrolleri o’chami
Shunday qilib, Arduino Uno kontrolleri dasturlashni endi o'rganayotgan yosh dasturchilar uchun, ko'p yillik dasturlash bo'yicha tajribaga ega dasturchilarga juda kerakli bo'lishi mumkin. Chunki uning yordamida zamonaviy kompyuterlarning ishlash prinsiplarini o'rganish va kompyuterlarda tezkor xotira, doimiy xotira va protsessorlar nima vazifalarni bajarishini tushunish uchun yordam beradi.

3.2 Gaz datchigining xususiyatlari va arduinoga ulanish sxemasi

Ushbu bo’limda turli zararli gazlarni Arduino mikrokontrollerlari yordamida aniqlash tizimi haqida ma’lumot berilgan bo’lib, ushbu tizimdan gaz bilan ishlaydigan istalgan yopiq hududlar, jumladan sanoat, uy, avtomobi saloni va shu kabi boshqa yopiq hududlar havfsizlik tizimini shakllantirish uchun foydalanish mumkin. Asosiy maqsad Arduino mikrokontrollerlari va gaz datchilari asosida gaz detektorlarini shakllantirishdan iborat bo’lib, bunga ko’ra utan, metan, propan va is gazi kabi inson organizmiga zararli bo’lgan gazlar aniqlanadi va ogoxlantirish signali beriladi.