Bmt tashkiloti va uning tarixi

BMT timsoli va bayrog`i
Timsoli

Tavsifi

BMTning mavjud timsoli 1946 yil 7 dekabrda tasdiqlangan. Bu - markazi Shimoliy qutbda joylashgan, teng uzoqlashgan azimutli proyeksiya ko`rinishida tasvirlangan dunyo haritasi bo`lib, u bir-biri bilan o`zaro kesishuvchi, och moviy fonga tilla rangida tushirilgan shartli zaytun novdalaridan iborat chambar ichiga chizilgan. Suv sathining hammasi oq rangda tasvirlangan. Xarita proyeksiyasi janubiy kenglikning 6-darajasigacha yetkazilgan va beshta kontsentrik halqani o`z ichiga oladi.

Ramzlar

Zaytun novdalari tinchlik ramzidir. Dunyo kartasi BMT o`zining asosiy vazifasini bajarish - tinchlik va xavfsizlikni ta`minlash maqsadida shug`ullanadigan mintaqalarni tasvirlaydi.

Foydalanilishi

Timsoldan foydalanish BMT Bosh Assambleyasining 1946 yilda qabul qilingan 92 (I) - Rezolyutsiyasi shartlari bilan cheklangan.

Bayroq

Sana

1947 yil 20 oktyabr

Tavsifi

BMT rasmiy timsoli oq rangda och moviy to`gri to`rt burchak markazida joylashgan holda tasvirlangan.

O`lchamlari

Eni va balandligining nisbati - 2ga 3 yoki 3ga 5, yoxud BMT bayrog`i ko`tariladigan har qanday mamlakatning milliy bayrog`i kabi o`lchamlarda; timsoli enining yarmiga teng bo`lib, ayni markazga joylashtirilgan.

Foydalanilishi

Bayroqdan foydalanish BMT bayrog`i to`g`risidagi BMT kodeksi va tegishli qoidalar bilan tartibga solinadi.