|
1996-2002 yillari BMTda o`tkazilgan islohotlar solnomasi
1996 yil
17 dekabr
Bosh kotib Kofi Annan mazkur lavozimda faoliyatini boshlashi munosabati bilan so`zlagan nutqida o`z faoliyati davomida amalga oshirajak quyidagi vazifalarni qayd qilib o`tdi:
Birlashgan Millatlar Tashkilotining yanada ixcham, yanada ratsional va samarali, a`zo mamlakatlarning talab va ehtiyojlariga yanada e`tiborliroq bo`lishini, o`z oldiga yanada real vazifa va majburiyatlar qo`yilishini ta`minlash.
1997 yil
Yanvarning oxiri
Bosh kotib BMT departamentlari, jamg`armalari va dasturlarini to`rt guruhga bo`ldi: tinchlik va havfsizlik, iqtisodiy va ijtimoiy masalalar. gumanitar masalalar va rivojlanish.
1 fevral
Bosh kotib, mazkur lavozimdagi faoliyatini boshlaganidan so`ng bir oy o`tgach, Davosdagi (Shveytsariya) Jahon iqtisodiy forumida biznes vakillarini qashshoq davlatlar iqtisodiyotiga yanada ko`proq sarmoya kiritish va BMT departamentlari, jamg`armalari va dasturlari bilan kengroq hamkorlik qilishga chaqirdi.
17 mart
Bosh kotib Bosh Assambleya Raisiga yo`llagan xatida o`zining tashkiliy islohot dasto’rining "birinchi bosqichi" to`g`risida ma`lumot beradi:
uch departamentni Iqtisodiy va ijtimoiy masalar bo`yicha yagona departamentga (IIMD) birlashtirish;
Kotibiyatning ma`muriy harajatlarini byudjetning 38 dan 25 foizigacha qisqartirish borasida chora-tadbirlar ko`rish;
rezident-koordinatorning BMT "davlatlar guruhi" rahbari sifatidagi rolini kuchaytirish va binolar va xizmatlardan umumiy foydalanishga harakat qilish.
27 iyun
1997 yil aprelda Bosh kotib tomonidan ta`sis etilgan BMTning jamoat axboroti jabhasidagi faoliyati yo`nalishini o`zgartirish bo`yicha maxsus ishchi guruh "Global nazar, mahalliy ovoz - BMT uchun strategik kommunikatsiya dasturi" (A-AC.198-1997-CRP.1) ma`ruzasini taqdim etdi. Ma`ruzada BMT "bayonotlarini" ommaga yanada g`ayrat va aniq maqsad bilan yetkazish maqsadida Jamoat axboroti departamenti ishining yo`nalishini o`zgartirish yo`llari va usullariga oid takliflar bildirilgan.
14 iyul
Bosh kotib "Birlashgan Millatlar Tashkilotini yangilash: islohotlar dasturi" (A-51-950) ma`ruzasini taqdim etdi. Ma`ruza ikki qismdan iborat. Birinchi qismida o`tkazilajak islohotlarning asosiy yo`nalishlariga oid umumiy ma`lumotlar berilgan. Alohida e`tibor Bosh kotib tomonidan tuzilayotgan rahbariyat va boshqaruvning yangi tizimiga qaratildi. Shuningdek, Bosh kotib qabul qilgan va BMTga a`zo davlatlarga taklif etayotgan har bir sektordagi asosiy chora-tadbirlar umumlashtirilgan. Ma`ruzaning ikkinchi qismi islohotlarning umumiy paketi hamda aniq amallar va takliflarni chuqurroq mulohaza etishga bag`ishlangan.
16 iyul
Bosh kotib Bosh Assambleyaga o`z rejasining "ikkinchi bosqichi"ni quyidagicha taqdim etdi:
sektorlarni o`z ichiga olgan guruhlar koordinatorlari, mintaqalardagi komissiyalar rahbarlari va Bosh kotibning boshqa o`rinbosarlaridan tashkil topajak yetakchi rahbarlar guruhini tashkil etish;
BMT Rivojlanish dasturlari, BMTning aholishunoslik bo`yicha jamg`armasi va BMT Bolalar jamg`armasini Birlashgan Millatlar Tashkilotining Rivojlanish masalalari bo`yicha guruhiga birlashtirib, ishining "umumiy chegaralarini" belgilab qo`yish;
BMTning jinoyatchilik, giyohvandlik va terrorizmga qarshi kurashga yo`naltirilgan faoliyatini Giyohvandlikni nazorat qilish va jinoyatchilikning oldini olish yagona boshqarmasiga birlashtirish;
Bosh Assambleyaga ayrim departament va muassasalar faoliyati doirasidan tashqaridagi ishlarga rahbarlikni takomillashtirish va nazorat qilishni yaxshilash maqsadida Bosh kotibning birinchi o`rinbosari lavozimini tashkil etishni taklif qilish;
Bosh Assambleyaga 2000 yilda "Ming yillik Assambleyasini" chaqirishni taklif etish;
Gumanitar masalalar bo`yicha departamentni Birlashgan Millatlar Tashkilotining Gumanitar masalalarni muvofiqlashtirish boshqarmasi sifatida qayta tashkil etish.
25 iyul
Iqtisodiy va Ijtimoiy Kengash (EKOSOS) rivojlanish sohasidagi siyosatni muvofiqlashtirish borasida bretton-vud muassasalarida Xalqaro valyuta jamg`armasi boshqaruvchi-direktori Mishel Kamdessyu, Jahon savdo tashkiloti bosh direktori Renato Rujero, Jahon banki vitse-prezidenti Jan-Fransua Rishar hamda BMTning Savdo va rivojlanish bo`yicha konferentsiyasi (YuNKTAD) bosh kotibi Rubens Rikupero ishtirokidagi oliy darajadagi yig`ilishda muloqotga kirishga oid rejasini ma`qulladi.
15 sentyabr
BMTning Bosh qarorgohi Jenevada bo`lgan Inson huquqlari bo`yicha dasturlari Inson huquqlari bo`yicha oliy komissari yagona boshqarmasiga birlashtirildi; Oliy komissar lavozimiga Meri Robinson tayinlandi.
22 sentyabr
Bosh kotib Bosh Assambleyaning "Islohotlar Assambleyasi" deb nom olgan 52-sessiyasida o`z takliflari bilan chiqdi.
4 noyabr
Bosh kotib "Birlashgan Millatlar Tashkiloti islohoti: chora va takliflar" yalpi majlisi ochiq norasmiy kengashlarida bayonot berdi.
19 dekabr
Bosh Assambleya BMT Bosh kotibining islohotlar dasto’rini ma`qullovchi 52-12 rezolyutsiyasini qabul qildi.
Do'stlaringiz bilan baham: | 
