Bmt tashkiloti va uning tarixi

2001 yil

Yanvar

Elektron integratsiyalashgan boshqaruv va axborot tizimi ishga tushirilib (ISUI), raqamli usullar byudjet, moliya va boshqaruv masalalarida axborot almashishda keng qo`llanila boshlandi, bu qulaylik BMTning Nyu-Yorkdagi va butun dunyodagi operatsiyalarini yagona tizimga birlashtirish imkonini berdi.

6 sentyabr

BMT Ming yillik deklaratsiyasini amalga oshirish Rejasi (A-56-326) chop etildi.

2002 yil

Yanvar

To’rinada mustaqil muassasa - Xodimlar tayyorlash kolleji ochildi.

1 may

Inson resurslari boshqarmasi kadrlarni tanlashning yangi tizimini ishga tushirdi.

1 iyul

Patrisiya Durrant xodimlar va rahbariyat o`rtasidagi bahslarni suddan tashqari tartibda hal etishga ko`maklashish uchun ombudsmen lavozimiga tayinlandi.

31 iyul

Ming yillik bo`sag`asida BMTning Taraqqiyot sohasidagi maqsadlarga erishish yo`nalishlariga bag`ishlangan ilk yillik bayonoti (A-57-270) dunyo yuzini ko`rdi.

1 avgust

Bosh kotibning xodimlar havfsizligini ta`minlash masalalariga qaratilgan birinchi ma`ruzasiga binoan Bosh kotib yordamchisi - BMTning Xavfsizlik masalalari bo`yicha muvofiqlashtiruvchisi tayinlandi.

BMT tizimi

Xalqaro valuta fondi, Jahon banki va "ixtisoslashtirilgan muassasalar" deb ataladigan o`n ikkita boshqa mustaqil tashkilot hamkorlik haqidagi tegishli bitimga binoan Birlashgan Millatlar Tashkiloti bilan doimiy aloqada. Bu barcha muassasalar, shu jumladan Butunjahon Sog`liqni saqlash tashkiloti va Xalqaro fuqarolar aviatsiyasi tashkiloti ham mustaqil bo`lib, hukumatlararo kelishuvga binoan tashkil etilgan. Ular zimmalariga iqtisodiy, ijtimoiy va madaniy sohalarda, shuningdek, maorif, sog`liqni saqlash va boshqa jabhalarda keng ko`lamdagi xalqaro funksiyalar yuklatilgan. Ularning, masalan, Xalqaro Mehnat tashkiloti va Butujahon pochta uyushmasi kabi ba`zilarining yoshi Birlashgan Millatlar Tashkilotining yoshidan ham kattadir.

Bundan tashqari Birlashgan Millatlar Tashkilotining Qochoqlarning ishlari bo`yicha Oliy komissar Boshqarmasi, Birlashgan Millatlar Tashkilotining taraqqiyot dasturi, yoki Birlashgan Millatlar Tashkiloti Bolalar jamg`armasi (YUNISEF) kabi BMTning qator Boshqarmalari, Dastur va Jamg`armalari jahonning barcha regionlarida iqtisodiy va ijtimoiy shart-sharoitlarni yaxshilash bilan shug`ullanmoqda. Bu tashkilotlar Bosh Assambleya yoki Iqtisodiy va Ijtimoiy Kengash oldida hisobot beradi.

Bu tashkilotlar barchasining o`z boshqaruv organlari, budjeti va kotibiyati bor. Ular Birlashgan Millatlar Tashkiloti bilan yagona oilani yoki Birlashgan Millatlar Tashkiloti tizimini tashkil etadi. Bu tashkilotlar umumiy va yana ham muvofiqlashtirilgan sa`y-harakatlar bilan BMTning ko`pqirrali harakat dasto’rini amalga oshiradi.