Bmt tashkiloti va uning tarixi

1999 yil

31 yanvar

Bosh kotib Davosdagi (Shveytsariya) Jahon iqtisodiy forumida so`zlagan nutqida Inson huquqlari, mehnat standartlari va atrof muhit bo`yicha global shartnoma taklif qildi.

28 fevral

Kotibiyatga BMTga a`zo davlatlar tomonidan beg`araz tarzda taqdim etiladigan xodimlardan foydalanishga sekin-asta chek qo`yildi.

2000 yil

29 iyun

Bosh kotib rahbariyatning tuzilmaviy masalalarini hal etish maqsadida Hisobot masalalari bo`yicha yuqori guruhning ilk uchrashuvini o`tkazadi. Bosh kotib barcha yetakchi rahbarlar bilan yozma ravishda shartnoma tuzish tizimini joriy etdi, bunga asosan ularning muhim tadbirlarning bajarilishi va erishilgan natijalar uchun mas`uliyati yanada oshdi.

26 iyul

BMTning bosh qarorgohida 50 dan ortiq kompaniya rahbarlarining Bosh kotib bilan BMTning asosiy tamoyillarini hayotga joriy etish ishiga ishbilarmon doiralar, mehnat tashkilotlari va fuqarolik jamiyatini jalb etish borasida Bosh kotib tashabbusining natijasi bo`lmish Global shartnomani "ishga solishga" bag`ishlangan uchrashuv bo`lib o`tdi.

1 avgust

Bosh kotibning "Inson resurslarini boshqarishga oid islohot" (A-55-253) ma`ruzasi chop etildi.

23 avgust

BMTning Tinchlik yo`lidagi operatsiyalari bo`yicha guruhi bayonoti ("Braximi Bayonoti") (A-55-305 - S-2000-809) tinchlikni saqlash strategiyasi, doktrinasi va operatsiyalarida radikal o`zgarishlar taklif etdi.

6-8 sentyabr

BMTning Nyu-Yorkdagi Bosh qarorgohida Ming yillik sammiti bo`lib o`tdi, Unda 147 davlat va hukumat rahbarlari, jami 191 davlat, Birlashgan Millatlar Tashkilotining Ming yillik deklaratsiyasi, BMTning yangi ming yillikdagi sharoitga moslashishi borasida amaliy vazifalar qo`yilgan asosiy hujjati qabul qilindi.

18 oktyabr

Bosh kotib o`zining Bosh Assambleyasidagi "BMT xodimlari havfsizligi va muhofazasiga oid" (A-55-494) ma`ruzasida BMT havfsizlik tizimini mustahkamlash bo`yicha ikki yilga mo`ljallangan dastur haqida so`z yuritdi.

23 dekabr

Bosh Assambleya amaliy natijalarga mo`ljallangan byudjetlarni tuzish haqidagi muhim (55-231) rezolyutsiyani ma`qulladi.