Blue Teaching Math Education Presentation

4-Mavzu: Zamonaviy axborot texnologiyalari va internet madaniyati.
1. Internet madaniyati haqida tushuncha .
2. Kompyuter savodxonligi bilimini oshirish dolzarbligi haqida.
3. O’zbekistonda internet savodxonligi va foydalanuvchilari madaniyati tugrisida.
4. Yoshlar o’rtasida internet madaniyatini yuksaltirish chora-tadbirlari.
Reja:
Internet madaniyati haqida tushuncha .
Internet madaniyati haqida so’z yuritadigan bo’lsak, u yangi tushuncha ekanligini e’tirof etib, soha mutaxassislari tomonidan quyidagicha ta’rif berilmoqda, ya’ni internet madaniyati (ing. Internet-culture) — bu internet orqali foydalanuvchilarning muloqot, axborot olish va uzatish madaniyatidir. Internet madaniyati (internet foydalanuvchilarining kibermadaniyati) deganda, shuningdek, ijtimoiy ongga salbiy ta’sir etuvchi, jumladan, amaldagi davlat tuzumiga qarshi qaratilgan noxolis xarakterdagi, diniy-ekstremistik, terroristik, pornografik va boshqa mazmundagi axborotlarni tarqatuvchi saytlardan foydalanishning ongli ravishda cheklanilishi tushuniladi.
"Bugungi kunda axborot olamida Internet davri kelgani, internet- televidenie, internet-radio, elektron pochta, onlayn-video kabi ko’plab yangi axborot tarqatish texnologiyalari qanday tez sur’atlar bilan rivojlanib, ularning auditoriyasi va ta’sir doirasi tobora kengayib borayotgani haqida ortiqcha gapirishga zarurat yo’q, deb o’ylayman. Bunday axborot vositalariga asosan yoshlarning juda katta qiziqish bilan qarashi va ulardan keng foydalanishini hisobga oladigan bo’lsak, haqiqatan ham, bu masalaning naqadar ulkan ahamiyatga ega ekanini anglash qiyin emas.
Kompyuter savodxonligi bilimini oshirish dolzarbligi haqida.
Hozirgi kunda O’zbekistonda internetdan foydalanuvchilar soni 27,2 mln.kishidan oshdi. Bu haqda axborot texnologiyalari va kommunikatsiyalarini rivojlantirish vazirligi matbuot xizmati xabar bermoqda. Telekommunikatsiya tarmoqlarini rivojlantirish maqsadida qo’shimcha 50 000 kilometr optik-tolali aloqa liniyalari yotqizildi va natijada ularning umumiy uzunligi 118 ming kilometrga etkazildi, aholi punktlarining qariyb 67 foizi tezyurar aloqa vositalaridan foydalanish imkoniyatiga ega bo’ldi. Keyingi yillarda optik-tolali aloqa liniyalarini kengaytirish ishlari davom ettiriladi.