Бўлим техника хавфсизлиги қоидалари бузилганлиги учун жавобгарлик

Асосий коммуникацияларнинг жойлашуви схемаси

3.1. Схемада ўчирувчи арматуранинг жойлашуви ва рақамланиши цехнинг технологик регламенти ва аварияни бартараф этиш режасининг тезкор қисмига мос бўлиши керак.

3.2. Схема кўргазмали, осон ўқиладиган бўлиши керак. Заруат туғилган тақдирда схема изоҳловчи ёзувлар билан тўлдирилади.
3.3. 3.2. банди талаблари бузилмаган тақдирда асосий коммуникациялар жойлашуви схемаси ва стационар ёнғин ўчириш воситалари схемасини бирлаштиришга рухсат этилади.


4. Цехлар ходимларини аварияларни бартараф этиш режалари билан таништириш

4.1.Аварияларни бартараф этиш режаси барча маъмурий-техник ходимлар ва цех ходимлари, шунингдек ВГСВ, ГСС ва ёнғин қисми ходимлари томонидан диққат билан ўрганилиши лозим.

Аварияларни бартараф этиш режаси билан таништириш тилхат билан расмийлаштирилиши керак.
4.2. Аварияларни бартараф этиш режаси (ундан кўчирма) кўринарли жойда ускуналар ва материаллар авария заҳираси бўлган шкаф ёнида цехнинг барча ходимлари танишиши учун осиб қўйилган бўлиши керак. Алоҳида ҳолларда аварияларни бартараф этиш режасини осиб қўйиш жойи иш берувчи томонидан белгиланади.
4.3. Аварияларни бартараф этиш режаси билимлари ўқув тревогаси ва ўқув-машқлари вақтида бош муҳандис томонидан тасдиқланган жадваллар асосида, шунингдек инструктажлар ўтказилганда ва техника хавфсизлиги бўйича билимлар текширилган пайтда текширилади.
4.4. Ходимни цехда мустақил ишга қўйиш олдидан аварияларни бартараф этиш режаси билимлари малака комиссияси (экзамен) томонидан текширилади.
Аварияларни бартараф этиш режасининг уларнинг ишига тегишли жойлари ва турларини билмайдиган шахсларни ишга қўйиш тақиқланади.