Бўлажак ўқитувчиларда коммуникатив кўникмаларни шакллантириш

Курс ишнинг методологик асоси бўлиб, аввало «Соғлом авлод» давлат Дастури, «Таълим тўғрисидаги Қонун» ҳамда Ўзбекистон Республикасида «Кадрлар тайёрлашнинг миллий Дастури» ғоялари, Президентимиз И.А Каримовнинг маънавий ва ижтимоий ҳаётни эркинлаштириш, маънавий-маърифий ислоҳотларни чуқурлаштириш, миллий ғоя ва мустақиллик мафкураси мазмунини ташкил этган фикр ва ғоялари ташкил қилади. Бундан ташқари, жаҳон психологиясидаги шахснинг фаолиятда шаклланиши назариялари (Л. Виготский, Д. Эльконин, А. Леонтьев, Г. Андреева ва бошқалар), ўқув фаолиятини босқичли шакллантириш (П.Я. Гальперин, Н.Ф.Тализина), ўқитиш мазмунини тезлаштириш ва мураккаблаштириш (Л.В.Занков), назарий умумлаштириш ва рефлекция (Д.Б.Эльконин, В.В.Давидов), муаммоли вазиятни ташкил қилиш (Т.В.Кудявцев, А.М.Матюшкин ва бошқалар), ўқитувчилик фаолиятининг тадқиқотчилари (И.В.Страхов, Н.В.Кузьмин, А.И.Шчербаков, Ф.И.Гоноболин) ва Ўзбекистонлик психологларнинг таълим жараёнини тадқиқ этиш бўйича ишлаб чиққан назарий ёндашувлари (М. Давлетшин, Э. Ғозиев, В. Каримова, Б. Қодиров, М.Абдуллажонова ва бошқалар) ҳам хизмат қилди.
Курс ишнинг мақсад ва вазифалари. Бўлажак ўқитувчиларнинг психологик хусусиятларини амалий тахлил қилиш ва бўлажак ўқитувчиларнинг коммуникатив кўникмаларини шакллантириш масаласи тадқиқотнинг асосий мақсади бўлиб хизмат қилади.
Тадқиқот мақсадини амалга ошириш учун қуйидаги вазифалар белгиланди:

1. 
   Буюк шарқ мутафаккирларининг ўқитувчи психологияси ҳақидаги қарашларини ўрганиш.
   
2. 
   Психолог олимларнинг муаммо ҳақидаги фикрларини кўриб чиқиш.
   
3. 
   Бўлажак ўқитувчиларнинг психологик хусусиятларини ўрганиш.
   
4. 
   Бўлажак ўқитувчиларнинг коммуникатив кўникмаларини амалий тахлил қилиш.
   

Курс ишнинг илмий фарази. Бизнинг тахминимизча, таълим-тарбия жараёнининг муваффаққиятида махсус яратилган шарт-шароитлар, педагог ўқитувчининг психологик хусусиятлари, айниқса, коммуникатив кўникмалари етакчи рол ўйнаши мумкин. Ушбу жараёнга алоқадор бўлган ўқитувчи ва талаба, ўқувчи муносабатларидаги ҳамкорлик фаолияти таълим самарадорлигини оширувчи омил вазифасини бажариши эҳтимол.