Biznesni rejalashtirish

12 – Masala
Sutkadagi ishchilarning haqiqiy zaruriy soni 170 kishi bo’lib, imtiyozli ishga chiqmaslik kunlarining nominal ish vaqti fondiga nisbatan foizi – 10 foiz ni tashkil etadi. Ro’yxat bo’yicha ishchilar sonini aniqlang.


13 – Masala
Ishchilarning ro’yxat bo’yicha sonini aniqlang. Ishchilarning haqiqiy soni 23 kishi bo’lib, ish vaqtining nominal fondi 251 kun, samarali ish vaqti fondi 230 kunni tashkil etadi.
14 – Masala
Haqiqiy va ro’yxatdagi ishchilar sonini aniqlang. Uchastkada 3 ta apparat bo’lib, ulardan har biriga bir smena davomida 4 kishi tomonidan xizmat ko’rsatiladi. Uchastka 3 smena ishlaydi. Ikkinchi smenaning ish bilan band bo’lish darajasi birinchisiga nisbatan 70 foiz bo’lib, uchinchi smenada esa bandlik darajasi 45 foizga teng. Nominal ish vaqti fondi 260 kun, samarali ish vaqti fondi 236 kunga teng.
15 – Masala
Korxonada kadrlar harakatini aniqlang. Yil boshidagi ro’yxat bo’yicha ishchilar soni 2550 kishi bo’lib, yil davomida 326 kishi ishga qabul qilinib, 484 kishi ishdan ketgan. Jumladan, o’z xohishi bo’yicha 73 kishi nafaqaga chiqishi va shtatlarni qisqarishi hisobiga 50 kishi, pragul sababli 6 kishi ishdan bo’shagan.


16 – Masala
Ishlab chiqarish dasturining yillik mehnat sig’imi 6516.5 norma – soat, samarali ish vaqti fondi 2075.1, mahsulot ishlab chiqarish normalarini bajarish koeffitsienti 1.32 ga teng. Ishchilarning rejali sonini aniqlang.


17 – Masala
Rejalashtirilgan mahsulot hajmining texnologik mehnat sig’imi 2080 ming norma-soat bo’lib, reja yilida mehnat sig’imini 5 foizga kamaytirish ko’zda tutilib, bundan tashqari mehnatni tashkil etishni yaxshilash hisobiga mehnat unumdorligini 5 foizga oshirish rejalashtiriladi. Bir ishchining samarali ish vaqti fondi 1800 soat, ishlab chiqarish topshiriqlarini 111.5 foizga bajarish ko’zda tutiladi. Asosiy ishchilar jami ishchilarning 70 foizini tashkil etadi. Rejalashtirilgan ishchilar sonini aniqlang.


18 – Masala
Korxonaning ikki yillik ma’lumotlari mavjud bo’lib, ishchilar sonining ko’payishi hisobiga mahsulot hajmining o’zgarishini, mehnat unumdorligining o’sishi hisobiga mahsulot hajmining o’zgarishini hamda mehnat unumdorligining o’sishi hisobiga mahsulot hajmining o’sishi ulushini aniqlang.