Biznesni boshqarish va axborot texnologiyalari fakulteti biznesni boshqarish kafedrasi

Ijtimoiy jarayon – strukturaviy yoki funktsional jihatdan bir-birni taqozo etuvchi ijtimoiy hodisalar turkumi.
Ijtimoiy institut – ma`lum bir hayot muhitida insonlarning o’zaro xatti-harakatlarini idora etuvchi va unda rol va statuslarni belgilovchi rasmiy va norasmiy qoidalar, tamoyillar, me`yorlar, o’rnashmalarning barqaror yig’indisi.
Ijtimoiy me`yor – ijtimoiy xatti-harakatni umumiy boshqarib turuvchi qatori sifatida namoyon bo’luvchi qoida.
Ijtimoiy sanktsiya – ijtimoiy aktor hatti-harakatining ijtimoiy rollar talablari doirasida yon-atrofdagilar tomonidan ijtimoiy qo’llab-quvvatlanishi yoki jazolanishi ko’rinishida namoyon bo’luvchi oqibati.
Ijtimoiy nazorat – ijtimoiy tizimning uni tashkil etuvchi elementlarining o’zaro xatti-harakatlarini normativ idora vositasida tartibga solishni ta`minlovchi o’zini-o’zi idora etish usuli.
Ijtimoiy fikr – taraqqiyotning turli muammolari, xususiyatlari to’g’risida turli xil ijtimoiy guruh yoki qatlamlarga mansub kishilarning munosabatini o’rganish natijasida hosil qilingan tasavvurlar yig’indisi.
Ijtimoiy o’zgarishlar – ijtimoiy guruh yoki jamiyatning tayanch tuzilmalaridagi o’zgarishlar.
Ijtimoiy qatlam – ijtimoiy jihatdan bir xil bo’lmagan, jamiyatda alohida ijtimoiy guruhlar, ularning belgilanishi, sinfiy bo’linish ifodasi.
Ijtimoiy harakat – ijtimoiy o’zgarishlarni amalga oshirish yoki to’sqinlik qilish uchun jalb etilgan odamlarning katta guruhi.
Irqiy-antropologik maktab – irqni ijtimoiy tarix, jarayon, harakatning bosh hamda asosiy sub`ekti deb talqin qiluvchi reaktsion ta`limot.
Islohot – mavjud ijtimoiy tuzum asoslariga putur etkazmasdan ijtimoiy hayotning biron-bir sohasini o’zgartirish, har qanday yangilikni joriy etish.
Ichkaridan kuzatish – guruh yoki hamjamiyatlar faoliyatida sotsiologning o’zi ishtirok etishini nazarda tutuvchi tadqiqot usuli.
Kolumbiya maktabi – sotsiologiyada miqdoriy va sifatiy metodlarni ilgari surgan neopozitivizm maktabi.