Biznes reja, rezyume, xulosa, marketing, rasmiy biznes reja, ishchi biznes reja, funksiya

U_r - rejalashtirilgan hosildorlik, s-ga;
X - erishilgan o’rtacha hosildorlik, s-ga;
U_km - qo’shimcha o’g’it sarflash me’yori, s;
K_x - o’g’it sarflash natijasida mehnat unumdorligi oshuvi hisobiga olinadigan hosil koeffisiyenti.

3.7.6.Mahsulot ishlab chiqarishni tashkil etishning texnologik kartasi.

Texnologik karta ayrim ekin turlari bo’yicha mahsulot yetishtirish bilan bog’liq ishlarni tashkil qilishning asosiy hujjati hisoblanadi. U har bir korxona, brigadaning aniq sharoitlari va xususiyatlarini hisobga olgan holda ekin turlari bo’yicha tuziladi.
Texnologik karta bo’yicha korxonaning mashina va uskunalar, ishchi kuchlari va mehnat xarajatlari, yoqilg’i va moylash materiallariga bo’lgan talabi, mexanizasiya ishlarining hajmi, traktor va qishloq xo’jaligi mashina va uskunalari ta’miri hamda texnika qurollari aniqlanadi. Texnologik kartani tuzishda qishloq xo’jaligi ekinlariga ishlov berish va hosilni yig’ib olish ilg’or agrotexnika va mashinalar tizimiga asoslanishi talab qilinadi.
Texnologik kartani tuzishda shu zona (ya’ni korxona joylashgan zona) uchun ishlab chiqarish va tavsiya qilinadigan dehqonchilik yuritish tizimi asos qilib olinishi kerak. Chunki, dehqonchilik tizimi yerning unumdorligi va ekinlar hosildorligini oshirish uchun talab qilinadigan agrotexnika va tashkiliy xo’jalik tadbirlarini o’z ichiga oladi.
Ishlarni bajarish me’yori texnologik karta tuzishdan oldin har bir ish turi bo’yicha me’yorlarini tashkil qiluvchi omillarni hisobga olgan holda texnik yo’l bilan belgilanishi kerak. Agrotexnika muddatda bajariladigan ish hajmi har bir ish turi bo’yicha bir soat uchun belgilangan ish me’yorini, smena davridagi vaqtga (qishloq xo’jaligida bir smena ish davri 7 soatga belgilangan), smena koeffisiyenti va agrotexnika davrdagi ish kuniga ko’paytirish yo’li bilan aniqlanadi. Ayrim ish turlarini bajarish uchun talab qilinadigan traktor va qishloq xo’jaligi mashinalari shu ish turlari bo’yicha jismoniy ish hajmini agrotexnika muddatida bajariladigan ish hajmiga bo’lish orqali aniqlanadi.

bunda:
T_soni - ish hajmini bajarish uchun talab etiladigan traktor soni;
JIX - bajariladigan jismoniy ish hajmi, ga;
S_agr - agregatning soatli unumi
7 - bir smena vaqti, soat;
K_s - smena koeffisiyenti
I_aik - agrotexnika muddatidagi ish kunlari.
Smena me’yorlari soni jismoniy ish hajmini bir smenada (bir soatdagi ish me’yorini 7 soatga ko’paytirish) bajariladigan ish me’yoriga bo’lish orqali aniqlanadi.
Nazorat va muhokama uchun savollar:
1. Qishloq xo'jaligi ishlab chiqarishini bashorat qilish va rejalashtirish
deganda nimani tushunasiz?
2. Biznes-reja nima?
3. Biznes-reja tuzishdan maqsad nima?
4. Biznes va tadbirkorlik o'rtasida qanday farq bor?
5. Biznes-rejada «Moliyaviy natija»lar qanday ko'rsatkichlar orqali
ifodalanadi?
6. Rejalashtirish deganda nimani tushunasiz?
7. Ekish uchun talab etiladigan yer maydoni qanday aniqlanadi?
8. Biznes-reja tuzishda talab etiladigan mehnat va moddiy resurslar
sarflariga oid me’yorlar nimalardan iborat?
9. Biznes-reja tuzishdagi asosiy talablar qanday?
10. Biznes-reja tuzish tartibini qanday asoslaysiz?