Biznes huquqi” kafedrasi tomonidan 2021/2022 kuzgi semestrida o‘tiladigan “Raqobat huquqi” modulidan tayyorlangan yakuniy nazorat turi bo‘yicha imtihon savollari

Savol: bu yerda taksi kompaniyalari tomonidan raqobat qonunchiligi buzilganmi? Javobni asoslang.
	Kazus-14 Oʻzbekistonda qurilish materiallari bozorida “Navoiy sement zavodi” AJ 70% bozor ulushiga ega yirik korxona hisoblanadi. Mazkur zavod sement mahsulotlarini yetkazib beruvchi kontragentlar orqali sotadi. Biroq, “Navoiy sement zavodi” AJ va yetkazib beruvchilar oʻrtasidagi shartnomaviy munosabatlar boʻyicha ayrim yetkazib beruvchi kompaniyalar tomonidan Monopoliyaga qarshi kurashish qoʻmitasiga shikoyat kelib tushadi. Qoʻmita aniqlashicha, “Navoiy sement zavodi” AJ va yetkazib beruvchilar oʻrtasidagi tuzilgan shartnomada shartnoma shartlarini oʻz vaqtida bajarmagani uchun yetkazib beruvchi-kontragent toʻlashi lozim boʻlgan penya miqdori shartnoma umumiy summasining 50%i deb belgilangan. Lekin “Navoiy sement zavodi” AJ shartnoma shartlarini oʻz vaqtida bajarmagani uchun shartnomada hech qanday javobgarlik belgilanmagan. “Navoiy sement zavodi” AJ bu faktga javoban shartnoma tuzishga hech kimni majburlash yoʻqligini, yetkazib beruvchilar agar shartnoma shartlari qoniqtirmasa shartnoma tuzishni rad etishlari mumkinligini ma’lum qildi. Savol: Mazkur tuzilgan shartnomada raqobat qonunchiligi buzilishi holati mavjudmi yoki “sharnoma erkinligi” tamoyiliga koʻra shartnoma qonuniy hisoblanadimi? Javobni asoslang.
	Kazus-15 Bayram arafasida talab keskin oshib ketishi natijasida odatda narxlar ham oshishni boshlaydi. Yangi yil arafasida “Coca cola” kompaniyasi 30-dekabr soat 6.00 dan oʻz narxlarini 2000 soʻmga oshirdi. “Pepsi” kompaniyasi “Coca cola” kompaniyasi tomonidan narxlar oshirilganini bilgach, shu kuni soat 12.00 dan boshlab, oʻz mahsuloti narxlarini 3000 soʻmga oshiradi. Bundan keyin “Coca cola” kompaniyasi narxlarini yana 1000 so’mga oshirib, “Pepsi” kompaniyasi narxlari bilan tenglashtirdi. Shunday qilib, kompaniyalar narxni jami 3000 soʻmga oshirishdi. Monopoliyaga qarshi kurashish qoʻmitasi bu holatni oʻrganganida kompaniyalar oʻrtasida narxni oshirish boʻyicha muloqot, yozishmalar yoki uchrashuvlar faktini aniqlamadi.