Biznes huquqi” kafedrasi tomonidan 2021/2022 kuzgi semestrida o‘tiladigan “Raqobat huquqi” modulidan tayyorlangan yakuniy nazorat turi bo‘yicha imtihon savollari

“Biznes huquqi” kafedrasi tomonidan 2021/2022 kuzgi semestrida o‘tiladigan “Raqobat huquqi” modulidan tayyorlangan yakuniy nazorat turi bo‘yicha imtihon savollari (kazus va mantiqiy savollar)
O‘zbek va rus tillarida

	Modul nomi: Raqobat huquqi	Kazusni tayyorlagan professor-o‘qituvchining F.I.Sh
	Kazus-1. 2021-yilning 15-sentabr kuni Fermerlar uyushmasida Toshkent viloyatida faoliyat yuritayotgan barcha (18 ta) fermer xoʻjaliklarining yigʻilishi boʻlib oʻtadi. Mazkur yigʻilishda fermerlar sabzi, kartoshka va sholi mahsulotlarining hosili natijalari boʻyicha maʼlumot alshashishadi, ushbu sabzavotlarning ulgurji narxlari boʻyicha fikr almashib, eng past sotish narxlari boʻyicha tavsiyaviy xarakterga ega boʻlgan koʻrsatmalar barcha fermer xo’jaligi rahbarlari tomonidan bir ovozda qabul qilinadi. Biroq Monopoliyaga qarshi kurashish qoʻmitasining aniqlashicha amalda 18 ta fermer xoʻjaligidan faqat 15 ta fermer xoʻjaligi tavsiyaviy narxlarda oʻz mahsulotlarini sotishgan. Lekin bunga qaramasdan, Monopoliyaga qarshi kurashish qoʻmitasi barcha 18 ta fermer xoʻjaliliga nisbata ish qoʻzgʻab, ularni kartel kelishuvi sodir etganlik boʻyicha javobgarlikka tortadi. Savol: Ushbu holatda raqobat qonunchiligi buzilganmi? Monopoliyaga qarshi kurashish organining qarori toʻgʻrimi? Javobingizni asoslantiring
	Kazus-2 COVID-19 pandemiyasi sababali chegaralar yopilib, Oʻzbekistonda kungaboqar yogʻi importi keskin qisqarishi natijasida kungaboqar yogʻi narxi 80% oshib ketadi. Kungaboqar yogʻi narxi qimmatlashishi oqibatida ichki bozorda paxta yogʻiga boʻlgan talab ehtiyoj oshib ketadi. Buning natijasida paxta yogʻi narxi birjada 50% ga oshadi. Paxta yogʻi narxini arzonlashtirish maqsadida Iqtisodiy taraqqiyot va kambagʻallikni qisqartirish vazirligi tashabbusi bilan ichki bozorda paxta yogʻi narxini barqarorlashtirish boʻyicha Vazirlar Mahkamasi qaror loyihasini tayyorlanadi. Loyihada vaqtinchalik ravishda narxlar pandemiya davrida birjada emas, balki hukumat tomonidan belgilanishi nazarda tutiladi.