Бизнес харажатларни қандай қилиб ақл билан, фойдани йўқотмасдан ва оғриқларсиз қирқиш мумкин?

Бизнес харажатларни қандай қилиб ақл билан, фойдани йўқотмасдан ва оғриқларсиз қирқиш мумкин? 

Айни пайтда бизнес мамлакат ва унинг ташқарисида пандемиянинг иқтисодий вазиятга таъсири оқибатида ликвидлик, талаб ва таклиф камайиши муаммолари ва бошқа ноаниқликларга дучор бўлиб турибди.

Бу – айниқса кичик ва ўрта бизнесга оғриқли оқибатларни келтириб чиқармоқда. Тадбиркорлар бундай вазиятларда ўз харажатларини оптималлаштириш ва қисқартиришга эътибор бермасдан, сотувни кўпайтириш йўлларини ахтаришади. Бунда улар баъзи ҳолатларни назардан қочиришади – айрим харажатларни қирқишдан кўра, сотувни кўпайтириш қийинроқ, сотувларнинг кўпайиши ҳамма вақт ҳам соф фойда ошишига хизмат қилмайди.
Харажатларни оқилона қисқартириш рентабеллик ошиши ва бизнеснинг умумий самарадорлиги кўпайишига олиб келиши мумкин. Аммо буни қандай қилиб ақлли, фойдали ва оғриқларсиз амалга ошириш мумкин? Бугун шулар ҳақида гаплашамиз.
Жуда кўплаб компанияларда ва фирмаларда ҳамон рентабеллилик ва ликвидлилик билан боғлиқ муаммолар сақланиб турибди. Лекин уларнинг бирортаси харажатларни қисқартириш ва оптималлаштириш комплекс дастурига эга эмас. Кўпчилик бир марталик усуллардан фойдаланиб кўрмоқда, бу эса барқарор натижага олиб келмайди.
Харажатларни қисқартириш имкониятлари ҳар қандай компанияда бўлади. Уларни аниқлаш учун сарф-харажатларни қисқартириш дастурини ишлаб чиқиш керак. Бунинг учун компаниянинг барча харажатларининг комплекс таҳлили ўтказилмоғи керак.
Шуни унутмаслик керакки, ҳар бир сўмни иқтисод қилишга тиришиб, маҳсулот/хизматнинг сифати пасайишига йўл қўйиш ярамайди. Бу – тушум камайиши ёки бизнеснинг йўқотилишига олиб келиши мумкин.
Харажатларни қисқартириш учун уларни қуйидаги тоифаларга бўлиб оламиз:

• 
  Маҳсулот таннархини шакллантирувчи харажатлар (хомашё, материаллар ва маош). Буларни иқтисод қилишда жонбозлик кўрсатмаслик керак, чунки хомашё ва маошни қисқартириш билан кўп нарса иқтисод қилиб бўлмайди.
  
• 
  Маркетинг харажатлари ва маҳсулотни бозорда илгари суриш учун харажатлар. Бу ерда катта қисқартиришлар қилиш, замонавий онлайн ва офлайн усуллардан фойдаланиб, маҳсулотларни илгари суриш самарадорлигига эришиш мумкин. Лекин шунда ҳам харажатларни қисқартириш ва бу чоранинг савдо ҳажмига таъсири ўртасида мувозанатни ушлаш керак.
  
•