«Biznes boshqaruv asoslari» fanidan glossariy aktiv

Auditorlik firmasi - mustaqil xo‘jalik hisobidagi tashkilot bo‘lib, korxonalar bilan tuzilgan shartnomalar asosida ularning buxgalteriya hisobini tekshiradi va to‘g‘ri-noto‘g‘ri ekanligini tasdiqlovchi xulosalar beradi.

Auktsion (kim oshdi savdosi) - oshkora savdo o‘tkazish asosida mahsulot va boshqa boyliklarni sotishni tashkil etish shakli.

Axborot - (lot. informatio - «tushuntirish, bayon qilish, xabardorlik») - taqdim etilish shaklidan qat’iy nazar, nimadir haqidagi ma’lumot.

Axborot menejmenti - axborotni yig‘ish, boshqarish va taqsimlashga ixtisoslashgan menejmentning maxsus sohasi bo‘lib, XX asrning 70-yillarida mustaqil yo‘nalish sifatida ajralgan.

Bank - qonunlarda nazarda tutilgan bank faoliyati bilan shug‘ullanuvchi tijorat tashkiloti.

Bank krediti - bank tomonidan muddatli, qaytarish sharti bilan, muayyan haq evaziga beriladigan qarz.

Banknot (ingl. - banknote) - qog‘oz pullarning bir turi bo‘lib, davlat tomonidan emissiya huquqi berilgan banklar tomonidan chiqariladi.

Bankrot bo‘lish - xo‘jalik yuritish sub’ektlarining qarzdor sifatidagi qarzlarini va boshqa majburiyatlarining mol-mulkidan oshib ketishi, buning natijasida tovar (ish, xizmatga xaq to‘lash yuzasidan kreditorlar talablarini qondira olmay qolishi, shu jumladan byudjetga va byudjetdan tashqari fondlarga majburiy to‘lovlarni ta’minlashga qodir emasligi.

Biznes - (ingl. business - «ish», «korxona») yoki tadbirkorlik - foyda olishga yo‘naltirilgan faoliyat; daromad yoki boshqa shaxsiy naf keltiruvchi har qanday faoliyat.

Birja - bozorning bir turi. Avvaldan tayinlangan manzil va vaqtda, belgilangan qoidalar asosida ochiq savdo-sotiq o‘tkazish orqali birja tovarlari bilan erkin ulgurji savdo qilish uchun shart-sharoitlar yaratuvchi, yuridik shaxs hisoblanadigan sub’ekt.

Birja faoliyati - tovarlarga bo‘lgan talab va ularni taklif qilishning amalda mavjud bo‘lgan nisbatlarini aniqlash hamda ularni hisobga olgan holda narx-navoni shakllantirish asosida birja tovarlarining ulgurji bozorini vujudga keltirishga qaratilgan harakatlar majmui.

Bozor - keng ma’noda tovarlar ishlab chiqarish, ularning muomalasini tashkil etish, taqsimlash, turli xizmatlar ko‘rsatish ishlarini bajarish jarayonida yuzaga keluvchi iqtisodiy munosabatlar tizimi.