«Biznes boshqaruv asoslari» fanidan glossariy aktiv

Mahalliy soliqlar hamda majburiy to‘lovlar - yuridik va jismoniy shaxslar daromadlaridan mahalliy davlat idoralari ehtiyoji uchun qonunda belgilangan miqdorda va tartibda muntazam ravishda to‘lab boriladigan to‘lov turi.

Menejerlar - rahbarlar, ya’ni tashkilotning o‘zlariga bevosita bo‘ysinuvchi xodimlarga ega xizmatchilari bo‘lib, ular tashkilotda doimiy lavozimni egallaydilar, tashkilot faoliyatining ma’lum sohalariga oid qarorlar qabul qilish vakolatiga ega bo‘ladilar.

Menejment - (ingl. management - boshqarish, rahbarlik qilish, ma’murchilik, direktsiya, tasarruf qila olish) - ijtimoiy-iqtisodiy tizimlarni ishlab chiqish va tuzish (tashkil etish), maksimal samarali qo‘llash (foydalanish) va nazorat qilish.

Mehnat birjasi - ish beruvchilarning mehnat resurslariga bo‘lgan talabi hamda vaqtincha band bo‘lmagan aholi tomonidan o‘z mehnat imkoniyatlarini taklif etishi asosida «Aholining bandligini ta’minlash to‘g‘risida»gi Qonunga muvofiq o‘tkaziladigan mehnat bozorining tashkiliy shakli.