Biz vatanning ertasi

O'quvchilar navbat bilan she'r o'qiydilar.

1-o’quvchi:

Salomim o'ng, so'limda bo'lsa,

Kitoblarim qo'limda bo'lsa,

Bilim olish murakkab emas,

Huquqimni bilib olsam bas.

2-o’quvchi:

Bunda tole' har narsadan mo'l,

Saodatim menga ochar yo'l.

Maktabimda men bir lolaman,

Unda yayrab bilim olaman.

3-o’quvchi:

Kelajagim bo'ladi porloq,

Orzularim kelar yaqinroq.

Kitobimni qo'limdan qo'ymay,

Ilm cho'qqisi sari odimlay.

2-boshlovchi: Bola huquqlarini himoya qilish masalalari «Bola huquqlari tovg'risida»gi Konvensiya, O'zbekiston Respublikasi Konstitutsiyasi va O'zbekiston Respublikasi Oila kodeksi va boshqa me'yoriy-huquqiy hujjatlarda batafsil bayon etilgan.

4-o’quvchi: «Bola huquqlarining kafolatlari to'g’risida»gi Qonun 3 bob, 32 moddadan iboratdir.

5-o’quvchi: I-bob — «Umumiy qoidalar»,

6-o’quvchi: II-bob — «Bola huquqlarining asosiy kafolatlari»,

7-o’quvchi: III-bob: «Ijtimoiy himoyaga muhtoj bolalar huquqlarining qo'shimcha kafolatlari» va

8-o’quvchi: «Yakunlovchi qoidalar» kabi dolzarb masalalarni o’z ichiga oladi.

9-o’quvchi: Ushbu Qonunning asosiy maqsadi bola huquqlarining kafolatlari sohasidagi munosabatlarni tartibga solish, Respublikamizdagi jamiki. bolalarni har tomonlama qo'llab-quvvatlashdan iboratdir.

10-o’quvchi: Yurt chorlasa birlashing,

Aylaning bir jon, tanga.

Xudoga sig’ingandek,

Sig'ining shu Vatanga.

Ushbu hikmat damo-dam,

Jaranglasin sadodek.

Bu dunyoda yagona,

Vatan bitta xudodek.

11-o’quvchi:

Jannatmakon dunyosi bor, derlar bu yurtning,

Baxt sari eltuvchi Humosi bor, derlar bu yurtning.

Bayrog'in ko'ksiga bosib, jon bergan,

Najmiddin Kubrosi bor, derlar bu yurtning.

Boshlovchilar o'quvchilarga savollar beradi.

1-boshlovchi: «Bola huquqlari haqida»gi Konvensiya qay tarzda paydo bo'lgan? Shu haqda ma'lumot bering-chi?

12-o’quvchi: Avvalo, BMT tomonidan 1959 yilda qabul qilingan «Bola huquqlari Deklaratsiyasi» 10 ta muhim moddalardan tashkil topgan edi.

13-o’quvchi: Polshada 1978 yilda «Bola huquqlari haqida»gi Konvensiya loyihasi ishlab chiqildi.

14-o’quvchi: BMT Assambleyasi 1984 yilda «Inson huquqlari haqida»gi Deklaratsiyani qabul qildi.

15-o’quvchi: 1989 yilda BMT Bosh Assambleyasining «Bola huquqlari haqida»gi Konvensiyasi qabul qilindi.

16-o’quvchi: 1990 yilda 20 ta mamlakat Konvensiyani ratifikatsiya qildi. 1992 yilda O’zbekiston Respublikasi ham mazkur Konvensiyaga qo'shilishini bildirdi.

17-o’quvchi: 1993 yilning 1 dekabrida 153 ta mamlakat bir ovozdan bolalar kelajagini muhofaza qilishga tayyor ekanliklarini izhor etishdi.

Bolalar ijrosida tinchlik, Vatan haqidagi qo'shiq yangraydi.

2-boshlovchi: «Konvensiya» so’zi nimani anglatadi? Shu haqda ham to'xtaling-chi.

18-o’quvchi: «Bola huquqlari haqida»gi Konvensiya - BMTning butunjahon bolalariga xos bo'lgan bolalar huquqlari haqidagi shartnomadir.

19-o’quvchi: Har bir bolaning himoya qilinishi uyg’un tarzda rivojlanishi uchun Konvensiya har bir xalqning milliy va ma'naviy qadriyatlarini hisobga oladi.

20-o’quvchi: «Bola huquqlari haqida»gi Konvensiya 54 moddadan iborat bo'lib, 4 ta toifaga bo'linadi.

Musiqa sadolari ostida o'quvchilar yurtini, istiqlolini tarannum etuvchi she'rlardan aytishadi.

1-o’quvchi:

Har kim o'zin qo'rg'onin

Qurganiga ne yetsin.

O'z yurtida davronin

Surganiga ne yetsin.

2-o’quvchi:

Har qadamda o'ylaysiz,

Bizni mudom, bobojon.

Asrang o'zingizni ham,

Ko'p yashang, bo'ling omon!

3-o’quvchi:

Istiqlol - bu istiqbol,

Nurli hayot degani.

Qo'rg'oni but, el-yurt tinch,

Vatan - obod degani.

4-o’quvchi:

Qonun yo'li kamolot,

Adolatga kafolat.

Qonunni bilgan kishin

Qonun bitirar ishin.

Bayram nihoyasida tadbir ishtirokchilari ijrosida «Vatanim» qo'shig'i kuylanadi.

1-boshlovchi: Aziz ustozlar! Shuning bilan «Bola huquqlari to,g'risida»gi Konvensiyaga bag'ishlangan tadbirimiz yakunlandi. E'tiboringiz uchun rahmat!

Musiqa sadolari ostida tadbir qatnashchilari sahnadan chiqadilar.