Bitiruv malakaviy ishi namangan – 2017

BMI ning tuzilishi:

Men bitiruv ishimni kirish, 2 ta bob, 7 ta bo’lim, xulosa va tavsiyalardan iborat shaklda tuzib oldim.

Hozirgi musiqa ta’lim-tarbiyasi shuni ko’rsatadiki, milliy musiqa merosimizni o’rganishga musiqa darslari va sinfdan tashqari musiqiy tarbiya tizimining ahamiyati katta. Bu tarbiya tizimi bilan uzviy bog’lanib turish hamda amaliyotga tadbiq etish lozim.

O’zbekiston Respublikasi Mustaqillikni qo’lga kiritgandan so’ng milliy qadriyatlarni tiklash, shular asosida yaratilgan milliy bayramlar, ommaviy marosimlarni qayta bunyod etish ishlariga alohida jiddiy tus berildi.

Xalqimizda azal-azaldan avloddan-avlodga o’tib, sayqal topib kelayotgan an’analar, bayramlar, udumlar, marosimlar tiklanib milliy istiqlol g’oyasini yoshlar va aholi ongiga singdirishda muhim rol o’ynamoqda. «Agar kelajagimizni o’ylab, ish qilmoqchi bo’lsak, -deydi I.Karimov, - kelajakda ishimizni davom ettiradigan bugungi yoshlarimizga sharoit yaratib, uning hayoti haqida qayg’uradigan bo’lsak, avalo mahalliy yoshlarni tarbiyalash ishiga munosabatimizni mutlaqo o’zgartirishimiz kerak»².