Bitiruv malakaviy ishi mundarijasi

"Uzbekistan_Travel" jurnali redaktori Dilfuza Samandarova jurnalning oldiga qo'ygan maqsadlari haqida shunday yozadi:

Bir yil avval biz mana shu sayohatni "Uzbekistan_Travel" deb boshlagan edik. Mana shu bir yil mamlakatimiz uchun ham bizning guruh uchun ham juda ahamiyatli bo'ldi. Shu bilan birga, biz bir jurnalni yaratishni rejalashtirdik. Mana shu o'tgan vaqt ichida "Uzbekistan_Travel" 14 xil tillarga tarjima qilindi va shu davrga qadar 7 ta sonini nashr qildik. Jurnal AQSh mamlakatidan Yaponiyaga qadar bo'lgan 15 mamlakatga tarqatilgan. Jahon sayyohlik yarmarkalarida, shuningdek, davlat tashriflari va biznes-forumlarda O'zbekistonning yuqori darajadagi delegatsiyalari hamrohligida namoyishlari bo'lib o'tgan.

Ushbu davr mobaynida biz butun dunyo bo'ylab do'stlar va sheriklarning birlashmasini to'pladik. 2019 yil may oyida O'zbekistonga xalqaro biznes sheriklik tashrifini boshlash uchun yangi tashabbusni birgalikda kiritganimizda, ularning bizni qo'llab-quvvatlashi yanada ijodimizni ruhlantirdi.Mamlakat ichidagi va undan tashqaridagi do'stlar ushbu biznes sherikligini O'zbekistonni ilgari surishga, investitsiya loyihalarida bir-birlarini qo'llab-quvvatlashga, yangi raqamli platformalarni yaratishga, iste'dodlar ijodini kengaytirishga va xalqaro almashinuvni mustahkamlashga hissa qo'shish uchun birlashtirmoqda.

Biz har doim yo'lning ming millimetrini bosib o'tish birinchi qadamdan boshlanadi, deb ishonganmiz. Biz dunyo bo'ylab tobora ko'proq odamlarning go'zal O'zbekistonga tashrif buyurishlarini va buni o'z ko'zlari bilan ko'rishni va o'zimiz his qilayotgan betakrorlikni his etishlarini xohlaymiz. Shuning uchun biz bilan birga O'zbekistonni kashf eting va dunyo olamingizni yanada kengaytiring.³⁴

Jurnal redaktori o'z so'zlarida jurnalning yutuqlari haqida bir qancha ma'lumotlar keltirib o'tgan. Qolaversa, jurnal O'zbekiston bilan hamkorlik qilish imkoniyatlari, sohalar va yaratilayotgan sharoitlar haqida ham har bir sonida ma'lumotlar berib o'tadi.

Jurnalning eng katta yutug'i O'zbekistonda ingliz tilidagi jurnal bo'lib tanilganligidir. Shu bilan birga, u o'z oldiga qo'ygan maqsadini ustidan chiqdi. Kelgan sayyohlar undan foydalanmoqda va yana ko'plab tillarga tarjima qilindi. Eng muhimi, O'zbekistonning turizm salohiyatini dunyoga mashhur qilmoqda.