Битирув ишида Самарқанд давлат чет тиллар институти талабаларининг касбий фаолиятини ҳисобга олган ҳолда "Ўзбекистон тарихи" фанидан маъруза ва семинар машғулотларни касбга боғлаган холда ташкил этиш масаласи ёритилган

Ишнинг мақсади ва вазифалари. Ишда Давлат таълим стандарти ва фан дастурида белгиланган – талабалар томонидан эгалланиши лозим бўлган билим, кўникма, малака ва компетенсияларни шакллантиришни, ўқув жараёнини компле лойиҳалаш асосида кафолатланган натижаларни олишни, мустақил билим олиш ва ўрганишни ҳамда назоратни амалга оширишни таъминлайдиган, талабанинг ижодий қобилиятларини ривожлантиришга йўналтирилган ўқув–услубий манбалар, дидактик воситалар ва материаллар, электрон таълим ресурслари, ўқитиш технологияси, баҳолаш усуллари ва мезонларини ўз ичига олган «Туркистонда жадидчилик ҳаракати» мавзусидан маъруза, амалиёт машғулотлари учун электрон ўқув-услубий мажмуада инновацион таълим технологиялари ва илғор педагогик технологиялар намунавий дарс ишланмалари ишлаб чиқиш мақсад қилиб олинган.
Мавзунинг электрон ўқув модули ишланмасини Давлат таълим стандарти асосида тузилган фан дастурига мувофиқ, ҳамда шахсга йўналтирилган, ривожлантирувчи ва мустақил таълим олиш технологиялари, тамойиллари ва талаблари асосида ишлаб чиқиш.
Битирув лойиҳа ишида қуйидаги вазифалар қўйилган:

1. 
   Ўқитиш жараёнида электрон ўқув модули ишланмасининг аҳамияти ва фойдаланиш усулларини тадқиқ қилиш;
   
2. 
   “Туркистонда жадидчилик ҳаракати” мавзусидан электрон ўқув модули ишланманинг маъруза, амалиёт ва мустақил таълим машғулотлари учун замонавий педагогик технологиялар ишланмаларини тайёрлаш ва жорий этиш усулларини ишлаб чиқиш.
   
3. 
   Электрон ўқув модули ишланмасидан фойдаланишнинг инструментал воситаларини тавсифлаш.
   

Битирув лойиҳа ишининг объекти ва предмети. Битирув лойиҳа ишининг объекти қўйилган мавзу бўйича электрон ўқув модул ишланмасини яратишдан иборатдир.
Предмети “Туркистонда жадидчилик ҳаракати” мавзусини ўрганиш ҳамда уни назарий ва амалий тадқиқ этиш ҳисобланади.
Битирув лойиҳа иши назарий ва амалий аҳамияти шу билан белгиланадики, тадқиқот натижасида олинган хулосалар “Туркистонда жадидчилик ҳаракати мавзуси бўйича ташкилий характерга эга бўлган ҳужжатларни ишлаб чиқиш. Олинган хулоса ва билдирилган таклифлардан таълим муассасалари фаолиятида, “Ўзбекистон тарихи” фанларини ўқитишда ва такомиллаштиришда фойдаланиш мумкин.