Bismillahi rohmani rohim Mehribon va rahmli Olloh nomi bilan boshlayman

Катта ёшдаги одам касалхонага ётибди. Уни ҳар куни ёш йигит келиб, зиёрат қилиб кетар экан. Келиб кўп вақтини у одам билан ўтказар экан. Овқатлантириб қўяркан, ювинтираркан ва касалхона атрофларидан айлантириб келиб, охири жойига ётқизиб, кўнгли хотиржам бўлгачкина кейин кетар экан.
Шу нарсаларга эътибор берган ҳамширани ҳаваси келиб, дориларини беришга кирганда гап бошлабди:
- Машааллоҳ, АЛЛОҲ бахтингизга ўғлингизни умрини зиёда этсин. Барака топсин, кунда кунора келиб сизни ҳолингиздан хабар олиб туради.
Касал одам ҳамширага қараб индамабди-да ва кўзларини юмибди. Кейин маъюс оҳангда гапирибди:
- Ўғилларимдан бири бўлишини жуда ҳам истар эдим...
Бу йигит биз яшаган туманда етим бола эди. Унинг отаси вафот этгач, масжид эшиги олдида ҳўнг-ҳўнг йиғлаётганини кўриб, болакайга раҳмим келганди. Ўшанда уни гапларим билан бир амаллаб чалғитиб, масжиддан олиб кетдим. Унга бир талай ширинликлар олиб бергандим. Ўша кундан бери мен у билан бошқа гаплашмадим. Мени аёлим билан касалхонада ёлғиз ётганимизни билиб, ўша заҳоти келиб бизни зиёрат қилиб, хол аҳвол сўраб кетди. Аёлимни, касалхонада қийналиб қолмасин деб, уйига олиб кетди. Ўзи эса мени олдимга келди.
Ундан:
- Ўғлим, нимага бизни бунчалар парвариш қилаяпсан? - деб сўрадим... (У табассум қилди)
Сўнгра деди:
- Чунки, сиз олиб берган ширинликларингизни мазаси ҳали ҳануз оғзимда .

Hoshiyadan tashqarida
Yigit oʻgʻrilik bilan qamaldi. Buni eshitgan birinchi oʻqituvchisi mahbusni koʻrgani keldi.
– Nega unday qilding?..
– Bilmadim… – koʻzini yerga tikdi yigit. – Maktab davri esingizdami? Daftar hoshiyasidan yozuvim chetga chiqib ketsa, “boʻlib turadi”, derdingiz. Oʻshanda qoʻlimga bir urmagan ekansiz. Shunda qonun doirasidan chiqmagan va bu yerda oʻtirmagan boʻlarmidim?..
Mehribonlik uyida
– Oyim bugun keladimi? – doimiy savolini berdi bola tarbiyachi opasiga.
– Bugun oyingning tobi boʻlmay qolibdi. Tuzalsa, albatta keladi, asalim.
– Mening dadam-chi? Qachon kelarkan? – suhbatga qoʻshildi bir qizcha.
– Dadang ishxonasidan ruxsat ololmayapti. Ishlarini yakunlasa, keladi, asal qizim.
Tarbiyachi ertaga bolalarning savoliga nima deb javob berishni oʻylardi…