Бирлашган Миллатлар Ташкилотининг Халқаро товарлар олди-сотдиси шартномалари тўғрисидаги

50 - модда

Агар товар шартномага мос келмаса ва нархи тўланганлигидан қатъий назар, сотиб олувчи нархни пасайтириши мумкин. Бироқ, 37- модда ёки 48-моддага мувофиқ сотувчи ўзининг вазифаларини бажаришдаги камчиликларни бартараф қилса ёки сотиб олувчи ушбу моддаларга мувофиқ сотувчи томонидан ижрони қабул қилишдан бош тортса, сотиб олувчи нархни пасайтира олмайди.

51 - модда

1) Агар сотувчи товарнинг фақат бир қисмини етказиб берса ёки етказиб берилган товарнинг қисми шартномага мос келсагина, 46-50- моддаларнинг қоидалари етишмаётган қисм ёки шартномага мос келмаган қисмига нисбатан қўлланилади.

2) Товарнинг қисман бажарилмаслиги ёки шартномага қисман номувофиқлиги шартноманинг жиддий бузилишини ташкил қилсагина, сотиб олувчи шартномани бутунлай бекор қилиш ҳақида маълум қилиши мумкин.

52-модда

1) Агар сотувчи товарни ўрнатилган муддатдан олдин етказиб берса, сотиб олувчи етказиб берилган товарни қабул қилиши ёки қабул қилишдан бош тортиши мумкин.

2) Агар сотувчи шартномада кўзда тутилгандан кўра кўпроқ товарни етказиб берса, сотиб олувчи етказиб берилган товарни қабул қилиши ёки ортиқча миқдорни қабул қилишдан бош тортиши мумкин. Агар сотиб олувчи ортиқча миқдорнинг ҳаммасини ёки бир қисмини қабул қилса, ушбу товар учун у шартнома ставкаси бўйича ҳақ тўлаши лозим.

III-бўлим. СОТИБ ОЛУВЧИНИНГ МАЖБУРИЯТЛАРИ


53 -модда

Сотиб олувчи товар учун шартнома талаблари ва мазкур Конвенцияга мувофиқ нарх тўлаши ва товар етказиб берилишини қабул қилиши шарт.

I-бўлим. Нарх тўлаш (54-59-моддалар)
II -бўлим. Етказиб беришни қабул қилиш (60 -модда)
III- бўлим. Сотиб олувчи томонидан шартнома бузилган тақдирда ҳуқуқий ҳимоя воситалари (61-65 -моддалар)
I-бўлим. Нарх тўлаш
54 -модда

Сотиб олувчининг нарх тўлаш мажбурияти тўловнинг амалга оширилишини мумкин илиш учун шартномага мувофиқ ёки қонун ва кўрсатмаларга мувофиқ талаб қилиниши мумкин бўлган расмиятчиликка риоя қилиш ва чоралар қабул қилишдан иборат.

55 -модда

Шартнома юридик жиҳатдан ҳақиқий тарзда тузилган ҳолларда, бироқ унда нарх бевосита ёки билвосита ўрнатилмаса ёки уни белгилаш тартиби кўзда тутилмаса, бошқаси ҳақида бирор-бир кўрсатма бўлмаганда, тарафлар савдонинг тегишли соҳасида таққосланадиган вазиятларда шартномани тузиш вақтида сотилган товарлар учун олинган нархга бўлган дастакни кўзда тутган деб ҳисобланади.