Бирлашган Миллатлар Ташкилотининг Халқаро товарлар олди-сотдиси шартномалари тўғрисидаги

I-бўлим. Товар мувофиқлиги ва учинчи шахслар ҳуқуқлари


35 - модда

1) Сотувчи миқдор, сифат ва тавсифи бўйича шартнома талабларига мос бўлган ва шартнома бўйича талаб қилинганидек тараланган ёки ўралган товарни етказиб бериши лозим .

2) Тарафлар бошқа ҳақида келишилган ҳоллардан ташқари, товар қуйидаги ҳолларда шартномага мос келмайди:

а) худди шу тавсифдаги товар одатда ишлатиладиган мақсадларга яроқли бўлмаганда;

b) шартномани тузиш вақтида сотувчи тўғридан-тўғри ёки билвосита хабардор қилинган ҳар қандай аниқ мақсад учун яроқли бўлмаганда, сотиб олувчи сотувчининг хабардорлиги ва мулоҳазаларига ишониши номаъқул бўлиши ёки ишонмаслиги ҳоллари бундан мустасно;
с) сотувчи томонидан сотиб олувчига намуна ёки модель сифатида тақдим қилинган товар сифатларига эга бўлмаса;
d) шундай товарлар учун одатий бўлган усул билан тараланмаган ёки ўралмаган бўлса, шунақаси бўлмаганда эса – ушбу товарни сақлаш ва ҳимоя қилиш учун лозим бўлган усул;
е) шартномани тузиш вақтида сотиб олувчи шундай номувофиқлик тўғрисида билган бўлса ёки билмаслиги мумкин бўлмаганда, олдинги банднинг "а" - "d" кичик бандлари асосида сотувчи товарнинг ҳар қандай номувофиқлиги учун жавобгар эмас.


36 - модда

1) Хавф сотиб олувчига ўтиш вақтида мавжуд бўлган товарнинг ҳар қандай номувофиқлиги учун шартнома ва мазкур Конвенция бўйича жавоб беради, ҳатто ушбу номувофиқлик кечроқ аниқ бўлса ҳам.

2) Сотувчи шунингдек товарнинг аввалги бандда кўрсатилган пайтдан сўнг юзага келган ва ўзининг ҳар қандай мажбурияти бузилиши оқибати бўлган ҳар қандай номувофиқлиги учун ҳам жавоб беради.

37- модда

Муддатидан олдин етказиб берилган тақдирда сотувчи етказиб бериш учун кўзда тутилган сана бошлагунга қадар етишмаётган қисмни ёки товар миқдорини етказиб бериш ёки шартномага мос бўлмаган товар ўрнига янги товарни етказиб бериш ёки етказиб берилган товардаги ҳар қандай номувофиқликни бартараф қилиш ҳуқуқини сақлаб қолади (ушбу ҳуқуқнинг амалга оширилиши сотиб олувчига номаъқул ноқулайликлар ёки номаъқул харажатларни етказмаслик шарти билан). Бироқ, сотиб олувчи мазкур Конвенцияга мувофиқ зарарларни қоплашни талаб қилиш ҳуқуқини сақлаб қолади.