Бирлашган Миллатлар Ташкилотининг Халқаро товарлар олди-сотдиси шартномалари тўғрисидаги

56 - модда

Агар нарх товар вазнига қараб ўрнатилган бўлса, шубҳа туғилган тақдирда у нетто вазнига қараб белгиланади.

57 - модда

1) Агар сотиб олувчи бирор-бир маълум жойда нарх тўлашга мажбур бўлмаса, уни сотувчига тўлаши лозим:

а) сотувчининг тижорат корхонаси жойлашган жойда; ёки

b) агар тўлов товар ёки ҳужжатлар топширилишига қарши амалга оширилиши лозим бўлса – уларни топшириш жойида.

2) Шартнома тузилгандан сўнг сотувчининг тижорат корхонаси жойлашган жой ўзгариши сабаб бўлган тўловни амалга ошириш бўйича харажатлар ошиши сотувчи ҳисобига қаратилади.

58 - модда

1) Агар сотиб олувчи бирор-бир бошқа аниқ муддатда нарх тўлашга мажбур бўлмаса, сотувчи шартнома ва мазкур Конвенцияга мувофиқ товарнинг ўзини ёки товарни бошқарувчи ҳужжатларни сотиб олувчи ихтиёрига топширса, уни тўлаши лозим. Сотувчи товар ёки ҳужжатлар топширилишини шундай тўловни амалга ошириш билан юзага келтириши мумкин.

2) Агар шартнома товар ташилишини кўзда тутса, сотувчи товар ёки товарни бошқарувчи ҳужжатлар сотиб олувчига нархни тўлашга қарши каби топширилмайдиган шартларда жўнатиши мумкин.

3) Сотиб олувчи товарни кўздан кечириш имкони пайдо бўлмагунича нарх тўлашга мажбур эмас, тарафлар томонидан келишиб олинган етказиб бериш ёки тўлаш тартиби шундай имконият пайдо бўлишини кутиш билан мос келмаган ҳоллар бундан мустасно.

59 - модда

Сотувчи томонидан бирор-бир расмиятчилик бажарилиши ёки бирор-бир сўров заруратисиз шартнома ёки мазкур Конвенцияга мувофиқ ўрнатилган ёки белгиланиши мумкин бўлган куни сотиб олувчи нархни тўлаши шарт.

II - бўлим. Етказиб беришни қабул қилиш
60 - модда

Сотиб олувчининг еткзиб беришни қабул қилиш мажбурияти қуйидагилардан иборат:

а) сотувчига етказиб беришга имкон бериш учун ундан оқилона равишда кутиш мумкин бўлган барча ҳаракатларни амалга ошириш; ва

b) товарни қабул қилиш.