Биринчи маъруза

Янги термин

Java байт коди – махсус машина инструкцияси бўлиб у хар қандай операцион системада ва хар қандай машинада ишлаш имкониятига эга. Махсус платформа байт код интерпретери Java байт кодларини ишга туширади. Байт код интерпретери Java виртуал машинаси ёки Java runtime interpreter деб хам юритилади.

1.3-расм. Java дастурларининг ишлаш приципи.

Байт код интерпретер (bytecode interpreter) ларни қаердан олиш мумкин? Applet лар учун байт код интерпретерлари Java enabled браузерларда аввалдан мавжуд бўлади, шу сабабли бу хақда хавотирланишга умуман ўрин йўқ. Бошқа умумий Java дастурлари ишлаши учун учун ўз операцион системангизга Java интерпретерини ўрнатган бўлишингиз керак. Эхтимол келажакда сиз агар бирор бир Windows операцион тизимини сотиб олсангиз. Бунинг учун сизга Java пакети бепул берилса ажаб эмас.
Байт кодларни ишлатишнинг ўзига яраша камчилик томонлари хам йўқ эмас. Интерпретерлар орқали ишга туширилган Java байт кодлари бошқа тилларда ёзилган ва компиляция қилинган дастрларга нисбатан секинроқ ишлайди. Ушбу секинлик кичик дастурларда сезилмаса-да каттароқ Java дастурлари ёзган вақтингизда бу яққол кўзга ташланади. Ушбу муаммони хам бир неча йўллар орқали бартараф этиш мумкин. Бу хақда кейинроқ сўз юритилади.

Java объектга йўналтирилган дастурлаш тили
Хозирда кўплаб объектга йўналтирилган дастурлаш тиллари мавжуд. Объектга йўналтирилган дастурлашнинг (ОЙД) аввалги чизиқли дастурлашдан устунлик томони хам хозирда кўпчиликка яхши маълум. Лекин хали фақат объектлар билан ишлайдиган дастурлаш тиллари бармоқ билан санарли даражада кам. Бундай дастурлаш тилидан фойдаланиш орқали сиз ОЙД нинг тўлиқ имкониятларини ишлатиб, хар қандай катта дастурларни хам осонлик билан яратишингиз мумкин.
Java нинг кўплаб объектга йўналтирилган асослари C++ дан олинган, лекин шу билан бирга у бошқа дастурлаш тилларидаги қоидаларни хам ўзида мужассамлаштирган. Java ўз ичига кўплаб примитив маълумот турлари, тармоқлар, Internet протоколлари ва шу каби клас кутубхоналарни олади. Унинг клас кутубхоналари хам худди Java дастурлари каби ўзининг платформа мустақиллигига эга.
Объектга йўналтирилган дастурлаш тўғрисида навбатдаги бобда тўлиқ танишишга харакат қиламиз.