Birin ch I b o‘ L i m texnologik parametrlarni nazorat qilish usullari va vositalari

Mikroprosessor — funksional tugallangan, bitta yoki bir nechta KIS yoki O‘KIS ko‘rinishida bajarilgan, raqamli axborotni ishlovchi, xotirada saqlovchi dastur bilan boshqariluvchi qurilmadir. Bu qurilmani mikroprosessor deyiladi, chunki u vazifalari va tuzilishiga ko‘ra odatdagi EHM prosessorining soddalashtirilgan xilini eslatadi. Ixchamligi, og‘irligi kamligi va kam energiya iste’mol qilishi mikroprosessorni o‘lchash qurilmalarining, avtomatik rostlash va boshqarish vositalarining elektron sxemasiga bevosita ulash imkonini beradi.
Mikroprointegrasiyalashning kichik va o‘rtacha darajasidagi integral sxemalarda
qurilgan prosessorlarga qaraganda ancha arzon, ishlatishda tejamliroq va
ishonchliroqdir. Mikropressor dasturlanuvchi mantiqli KIS yoki O‘KIS ga
asoslangani uchun u qat’iy qayd etilgan mantiqli integral sxemalarning ko‘pchilik
turlarining o‘rnini bosdi. Mikroprosessorning dasturini o‘zgartirib, uning yordamida ko‘pgina turli xil masalalarni echish imkoni yaratilishi mumkin.
Mikroprosessor odatda maxsus ishlab chiqilgan o‘zining konstruktivtexnologik qiymatlariga ko‘ra bir xil va yagona butun yig‘ilishi mumkin bo‘lgan
alohida mikroprosessorli va boshqa integral sxemalarning yig‘indisidan iborat
bo‘lgan mikroprosessor komplekti (to‘plami) tarkibida foydalaniladi. Komplekt
tarkibiga: mikroprosessorlar, xotirlovchi qurilmalar, axborotni kiritish, chiqarish,
mikrodasturli boshqaruv va hokazolarning integral sxemalari kiradi.
Mikroprosessor komplektlari mikroprosessorli tizimlar, mikro EHMlar,
mikrokontrollerlar va boshqalar kabi keng funksional imkoniyatlarga va yagona
matematik ta’minotga ega bo‘lgan raqamli boshqariluvchi hisoblash qurilmalarini
qurish uchun mo‘ljallangan.
Mikroprosessorli tizim — ishlayotgan tizimga tashkil qilingan
mikroprosessorli komplektning o‘zaro ta’sirlanuvchi integral sxemalarining yagona bir butun to‘plamiga yig‘ilgan to‘plamidir, ya’ni mikroprosessorli hisoblash yoki boshqarish tizimi axborotga ishlov berish bo‘g‘ini sifatida.
MikroEHM — bu konstruktiv tugallangan hisoblash qurilmasi bo‘lib, u
alohida korpusda integral sxemalarning mikroprosessor komplekti asosida tuzilgan va ta’minot manbaiga, boshqaruv pultiga, axborotni kiritish-chiqarish bo‘g‘inlariga ega bo‘lib, bu esa undan o‘z dasturli ta’minotiga ega avtonom erkin ishlovchi qurilma sifatida foydalanishga imkon beradi.