Бир зиёли битта маҳаллага маънавий ҳомий

Ишсиз ёшларнинг бандлигини таъминлашга кўмаклашиш
МФЙларидаги ишсиз ёшларни рўйхатини шакллантириб, машғулот турини, қизиқишини аниқлаб олиш керак. Шунга қараб МФЙлари билан бирга тумандаги ёшлар ташкилотлари, маҳаллий ҳокимият орқали тегишли банкларга имтиёзли кредит олиши учун алоқага чиқиш мумкин.


Аҳоли, айниқса ёшларни тадбиркорлик, бизнесга қизиқтириш
МФЙларидаги ёшларни тадбиркорлик ва бизнесга қизиқтириш учун ёш тадбиркорлар, бизнесменлар билан учрашувлар ташкил этиш мақсадга мувофиқ. Чунки бугунги кунда ёшлар эшитганига эмас, кўрганига ишонади. Агар ёшларни тенгқурлари бўлган ёш тадбиркорлар иштирокида мастер класслар, даромадни кўпайтириш йўллари, бизнес юритиш тўғрисида семинарлар ташкил этилса ёшларда тадбиркорликка бўлган қизиқиш ортиши табиий.


Маҳалладаги маънавий-маърифий ишларга кўмаклашиш
МФЙларида турли маънавий-маърифий тадбирларни ташкил этиш аҳолини кайфиятига жуда катта таъсир қилади. Бунда тумандаги маданият бўлимлари, маънавият ва маърифат бўлимлари билан ҳамкорлик олиб бориш тавсия этилади. Шунингдек, тадбирлар давомида фаол бўлган, ҳудудда ўз обрўсига эга бўлиб бораётган оилаларни ОТМ ташаккурномалари ва эсдалик совғалари билан тақдирлаб бориш ўзига хос мотивация бўлади.


Ёшлар ўртасида танлов, мусобақа ва ўйинлар ўтказишга кўмаклашиш
МФЙларида ОТМ талаба ёшлари ва уюшмаган ёшлар ўртасида турли спорт мусобақалари, танловлар, фестиваллар, интеллектуал ўйинлар, маданий тадбирлар, бадиий жамоаларининг концерт дастурлари, “ҚВЗ” ўйинларини ташкил этиш мақсадга мувофиқ бўлади.


Маҳаллаларга бириктирилган профессор-ўқитувчилар фаоллигига қараб, олий таълим муассасасининг бюджетдан ташқари маблағлари ҳисобидан рағбатлантириб борилади. Бу рағбатлантириб бориш мезонлари ишлаб чиқилгандан сўнг тақдим этилиши кўзда тутилган.