Бир зиёли битта маҳаллага маънавий ҳомий

Наманган вилояти Мингбулоқ туманида ўтказиладиган
“Бир зиёли – битта маҳаллага маънавий ҳомий” тамойили асосида маҳаллага бириктирилган профессор-ўқитувчининг вазифалари

Ўзбекистон Республикаси Президенти Шавкат Мирзиёев раислигида 2021 йил 19 январь куни маънавий-маърифий ишлар тизимини тубдан такомиллаштириш, бу борада давлат ва жамоат ташкилотларининг ҳамкорлигини кучайтириш масалалари бўйича видеоселектор йиғилиши ўтказилди.

Йиғилишда маҳаллаларда ижтимоий-маънавий муҳит барқарорлигини таъминлаш масалаларига алоҳида эътибор қаратилган. “Бир зиёли – бир маҳаллага маънавий ҳомий” тамойили асосида ҳар бир маҳаллага профессор-ўқитувчи ва таниқли зиёлилар бириктирилиши маълум қилинган эди. Шу мақсадда Наманган вилоятида ҳам мавжуд 775 та МФЙларига учта ОТМларининг тажрибали профессор-ўқитувчилари бириктирилди.
Хўш, энди бириктирилган зиёлилар МФЙларида қандай ишларни амалга ошириши лозим деган масала турибди? Бу бўйича 12 та асосий вазифалар ажратиб олинган бўлиб, биз буларга алоҳида тўхталиб ўтамиз.


Мамлакатимизда олиб борилаётган ислоҳотларни тарғиб қилиш
Янги Ўзбекистон барпо этишга киришиш, Учинчи Ренессансга қадам қўйиш, халқ билан мулоқот институтининг жорий этилиши, “Халқ давлат идораларига эмас, давлат идоралари халқимизга хизмат қилиши керак”, “Янги Ўзбекистон – мактаб остонасидан, таълим-тарбия тизимидан бошланади”, сўнгги тўрт йилда бўлган барча соҳалардаги ўзгаришлар, жумладан, ҳар бир инсон ҳаёти, ҳар бир МФЙни фаолияти, ҳар бир туманда бўлаётган туб ўзгаришлар. Наманган вилоятига Президент ташрифлари, ажратилаётган маблағлар, “Бунёдкор” МФЙга ташриф.


Маҳаллада 5 муҳим ташаббусни кенг тарғиб қилиш
Мамлакатимиз аҳолисининг 30 фоизидан ортиғини 14 дан 30 ёшгача бўлган йигит-қизлар ташкил этади. Уларнинг таълим олиши, касб-ҳунар эгаллаши учун кенг шароит яратилган. Шу билан бирга, айни пайтда ёшларнинг бўш вақтини мазмунли ўтказишни ташкил этиш долзарб масала ҳисобланади. Ёшлар қанчалик маънавий баркамол бўлса, турли ёт иллатларга қарши иммунитети ҳам шунчалик кучли бўлади. Бежизга “Ёшларни бўш вақти – душманни иш вақти” деб айтилмаган”. Шу мақсадда 2019 йил 19 март куни Муҳтарам Президентимиз томонидан қуйидаги бешта муҳим ташаббус илгари сурилган эди:
Биринчи ташаббус ёшларнинг мусиқа, рассомлик, адабиёт, театр ва санъатнинг бошқа турларига қизиқишларини оширишга, истеъдодини юзага чиқаришга хизмат қилади.
Иккинчи ташаббус ёшларни жисмоний чиниқтириш, уларнинг спорт соҳасида қобилиятини намоён қилишлари учун зарур шароитлар яратишга йўналтирилган.
Учинчи ташаббус аҳоли ва ёшлар ўртасида компьютер технологиялари ва интернетдан самарали фойдаланишни ташкил этишга қаратилган.
Тўртинчи ташаббус ёшлар маънавиятини юксалтириш, улар ўртасида китобхонликни кенг тарғиб қилиш бўйича тизимли ишларни ташкил этишга йўналтирилган.
Бешинчи ташаббус хотин-қизларни иш билан таъминлаш масалаларини назарда тутади.
Ҳар бир МФЙда беш муҳим ташаббусни мазмун-моҳиятини акс эттирувчи тарғибот воситалари бўлиши керак.


“