Bioorganik kimyo

LABORATORIYA ISHI № 7

FERMENTLAR XOSSALARINI O’RGANISH

Ferment faolligiga aktivator va paralizatorlarning ta’siri

Kerakli asbob va idishlar: shtativ, probirkalar, pipetkalar.

Reaktivlar: kraxmalning 0,5% li eritmasi, distillangan suv, NaCl ning 1% li eritmasi, CuSO₄ ning 1% li eritmasi, 5 marta suyultirilgan so’lak, yodning 1% li eritmasi.

Ferment faolligini kuchaytiruvchi yoki to’xtatuvchi moddalar aktivator va paralizator (ingibitor)lar deb ataladi. Aktivator va paralizatorlarning ta’sir mexanizmi to’liq o’rganilgan emas. Ko’pchilik fermentlar aktivatorlari reaksiya muhitida bo’lmasa ta’siri umuman ko’rinmaydi. Masalan, amilaza dializ qilinsa, faolligi yo’qoladi, NaCl eritmasi qo’shilsa tiklanadi. Kinazalar guruhidagi fermentlarning faolligi uchun Mg²⁺ ioni bo’lishi shart.

Paralizatorlar yoki ingibitorlarning ta’sir mexanizmi yoki xarakteri xilma- xildir. Ba’zi hollarda ular ferment aktivatori bo’lgan metall ionlarini biriktirib olsa, ba’zan fermentni denaturatsiyalaydi yoki ferment bilan “yolg’on” ferment – substrat kompleksini hosil qilib, nofaol holatga o’tkazib qo’yadi.