Bioorganik kimyo

Xom sutda aldegidodegidrogenaza borligining ochilishi

Uchta probirkaning har qaysisiga 5 ml dan yangi sog’ilgan mol suti quyiladi. Birinchi probirkadagi sut 2 – 3 minut davomida qaynatiladi. Qaynatilgan sut sovigach unga va ikkinchi probirkaga formalinning 0,4 % li eritmasidan 1 ml dan qo’shiladi. Uchinchi probirkaga esa 1 ml suv solinadi. Uchala probirkaga metilen ko’kining 0,1 % li eritmasidan 1 ml dan qo’shiladi va ustiga havo kislorodidan saqlash uchun3 – 4 tomchidan vazelin moyi solinadi.

Probirkalar 40⁰C li suv hammomiga qo’yiladi. Bir oz vaqt o’tgach qaynatilmagan sutli probirkada metilen ko’kining rangsizlanishi kuzatiladi. Bu sut tarkibidagi aldegidodegidrogenaza fermentining formaldegiddan vodorodni tortib olib metilen ko’kiga berishi (qaytarishi) natijasidir.

Qaynatilgan sut tarkibidagi ferment termik inaktivlangani uchun faoliyat ko’rsatmaydi (birinchi probirka). Uchinchi probirkada esa vodorod beruvchisubstrat– formaldegid yo’qligi tufayli sut aldegido-degidrogenazasi metilen ko’kini qaytara olmaydi (rangsizlantirmaydi).

Bo’yoq (metilen ko’ki) rangsizlangan probirka chayqatilganda havo kislorodi ta’sir etishi hisobiga bo’yoq yana o’z rangiga ega bo’lib qoladi: