Bioorganik kimyo

Ishning bajarilishi

Ma’lum pH li muhit hosil qilish uchun fosfatli bufer eritmadan foydalanish qulay. 9 ta probirkaga pH qiymati quyidagicha: 5,59; 5,91; 6,24; 6,47; 6,81; 7,17; 7,38; 8,04 bo’lgan 1/15 M li Na₂HPO₄ va KH₂PO₄eritmalarining turli miqdoridan iborat fosfatli bufer aralashmasidan 5 ml dan quyiladi. Har qaysi probirkaga kraxmalning 1 % li eritmasidan 1 ml dan va 2 ml dan suyultirilgan (1:5) so’lak qo’shiladi. Probirkadagi suyuqlik aralashtiriladi va 40⁰C li suv hammomiga qo’yiladi. 15 minutdan keyin probirkalar suv hammomidan olinib, sovuq suvda sovitiladi va har qaysi probirkaga yodning KI dagi suyultirilgan eritmasidan 5-6 tomchidan qo’shiladi. Probirkadagi eritmalarning rangiga qarab, parchalash darajasi aniqlanadi. Olingan natijalar jadval ko’rinishida ifodalanadi (9 – jadval).

9 – jadval

Namuna tarkibi	Vaqt, minut hisobida
	1	2	3	4	5	6	7	8	9
Bufer aralashmasining pH i
Yod bilan hosil qiladigan rangi
pH optimumi

Fosfatli bufer eritmaning tayyorlanishi kitobning ilovasida berilgan.

LABORATORIYA ISHI №8

SUT VA KARTOSHKADAGI FERMENTLARNI ANIQLASH
SUT TARKIBIDAGI OKSIDOREDUKTAZANI ANIQLASH

Kerakli asbob va idishlar: probirkalar, gaz gorelkasi, suv hammomi, probirka tutqich.

Reaktivlar: Sigir suti(xom), formaldegid, 0,1% li metilen ko’kining spirtli eritmasi.

Ikkita probirka olib, birinchisiga 5 tomchi qaynatilmagan, ikkinchi probirkaga esa xuddi shuncha qaynatilgan sut soling. shundan so’ng har ikkala probirkaga 3 tomchidan formaldegid va 3 tomchidan 0,1% li metilen ko’ki indikatorining spirtli eritmasidan qo’shing. Har ikkala probirkani 70^oC da suv hammomida qizdiring. Bunda bitta probirkadagi rang o’zgarishini kuzatasiz. Sababini tushuntiring.