Biologiya o`qitish metodikasi” kafedrasi botanika (o`simliklar sistematikasi) fanidan

Yashiltoifa suvo`tlari bo`limi — Chlorophycophyta ga kiruvchi suvo`tlari yuksak o`simliklarga o`xshab xromatoforida “a” va “b” xlorofill, karotin, lyutein pigmentlari hamda xromatoforidagi lamellalar granlar hosil qilishi bilan boshqa suvo`tlaridan ajralib turadi. Hujayrada to`planadigan zahira oziqa modda ham yuksak o`simliklarnikiga o`xshash kraxmaldan iborat. Shuningdek, yashil suvo`tlari nasllarining gallanishi va ayrim vakillari quruqlik muhitiga moslashganligi jihatidan ham yuksak o`simliklar bilan aloqador ekanligi sezilib turadi. Yashiltoifa suvo`tlari turlarining ko`pligi, morfologik jihatdan xilma-xil strukturalar hosil qilishi va boshqa xususiyatlani bilan suvo`tlari ichida asosiy o`rinni egallaydi. Tallomining tuzilishi va ko`payishi xususiyatlarini hisobga olgan holda ular uchta ajdodga bo`lib o`rganiladi.

1. 
   Haqiqiy yashilsimon yoki teng xivchinlilar ajdodi (sinfi) — Chlorophyceae (Isocontae)
   
2. 
   Konyugatsimonlar yoki Matashuvchilar ajdodi (sinfi) —
   

Conjugatophyceae

3. 
   Xarasimon suvo`tlari ajdodi (sinfi) — Charophyceae
   

Haqiqiy yashilsimon yoki teng xivchinlilar ajdodi (sinfi) — Chlorophyceae (Isocontae) Nomi ham ko`rsatib turganidek, ushbu ajdodga mansub suvo`tlarining tallomi va hujayralari haqiqiy yashil rangda bo`lib, boshqa sinf vakillariga nisbatan ko`proq yuksak o`simliklarga o`xshashligi bilan farq qiladi. Rivojlangan siklda monad hujayralari (vegetativ va genenativ) bir-biriga teng ikkita xivchinli bo`ladi. Morfologik strukturasining xilma-xilligiga qarab ushbu ajdod bir necha qabilalarga bo`linadi.
Volvoksnamolar qabilasi — Volvocales; Volvoksnamolar qabilasiga biri hujayrali va kolonial, vegctativ hayoti davomida monad strukturaga ega suvo`tlari kiradi. Ushbu qabilaning bir hujayrali tipik vakillaridan biri xlamidomonada (Chlamidomonas) hisoblanadi. Uning ko` pchilik turlari kichik suv havzalarida yashab, suvning gullashiga sabab bo`ladi. Hujayrasi sferik yoki chips shaklida. Kosachasimon xromatofoni ichida pirenoid va ko`zchasi (stigma) joylashgan. Hujayraning oldingi qismida ikkita xivchini bo`ladi. Jinssiz ko`payishi zoosporalar yordamida, jinsiy — asosan izogamiya, aynim turlarida esa geterogomiya yo`li bilan amalga oshadi.