Biologiya kafedrasi

Ishni bajarish tartibi. Eritrositlarni hisoblash uchun chap qo`lning to`rtinchi barmog`i uchidan qon olinadi. Qonning birinchi tomchisi, artib tashlanib, keyingi tomchilar aralashtirgichning M"0,5" belgisigacha so`rib olinadi. Aralashtirgichning rezina nayi og`izdan olinmay turib uning uchi osh tuzining 3% li eritmasiga botiriladi va aralashtirgichning "101" belgisigacha eritmadan so`riladi, shunda qon 200 marta suyultirilgan bo`ladi. So`ng aralashtirgichning ikki uchini barmoqlar bilan berkitib, aralashma yaxshilab chayqatiladi. Suyultirilgan qon Goryaev hisob kamerasining to`ri ustiga tomiziladi. Tomizilgan suyuqlik qalinligi aniq 0,1 mm bo`lishi uchun qoplagich oyna suyuqlik tomizilmasdan oldin kamera ustiga yaxshilab yopishtirib qo`yilgan bo`ladi, buning uchun qoplagich oyna Pchetlarini bir oz ho`llab yon plastinkalar ustiga yopishtirib surish kerak. Qoplagich oyna kameraga zichlab qo`yilsa yon plastinkalarda kamalak hosil bo`ladi. So`ng kameraning yon tomonidan qoplagich oyna tagiga suyuqlik yuboriladi. Bunda to`r usti suyuqlik bilan to`la qoplangan bo`lishi, unga havo pufakchalari kirmasligi yoki to`r yonidagi ariqchalarga tushmasligi zarur. SHundan keyin kamera mikroskop stolchasiga joylashtirilib ikki minut kutiladi, bu vaqtda eritrositlar cho`kib to`r yuzasiga o`tiradi. Hisob kamerasi qat`iy gorizontal holatda turishi kerak, buning uchun mikroskopni qiyshaytirmaslik lozim. So`ng mikroskop ostida kamera to`rining diagonali bo`yicha joylashgan 5 katta kvadratdagi eritrositlar Msanaladi. Tekshirilayotgan qonning 1 mm3 hajmidagi eritrositlar soni quyidagi formula bo`yicha hisoblanadi.     bu erda X-1mm3 qondagi eritrositlar soni, E-5 ta katta kvadratda yoki 80 ta mayda kvadratdagi, eritrositlar soni, 4000-mayda kvadrat hajmi, 200-qonni suyultirish darajasi. Normada 1 mm3 qondagi eritrositlar soni: ayollarda-4500000, erkaklarda-5000000.