Biologiya kafedrasi

Savollarga javob bering.

1/ Qon ivishining asosiy mehanizmi nimalardan iborat?

2/ Qon ivish vaqtini qanday qilib o`zgartirish mumkin?

18- Laboratoriya ishi
18- Laboratoriya ishi

 Qonni tadqiq qilish uslublari. Qon guruxlari, rezus-omil, gemoglobin mikdori, eritrotsitlarning chukish tezligi, leykotsitar formulani aniqlash.

1-ish. ODAM QONIDAGI GEMOGLOBIN MIQDORINI ANIQLASH.

Ishning maqsadi: Odam qonidagi gemoglobin miqdorini aniqlash usuli bilan tanishishdan iborat.

Ishni olib borish uchun zarur bo`lgan jihozlar: Sali gemometri, detsinormal (0,1 N) gidroxlorid kislota, nina, distillangan suv, spirt, yod, pipetka, shisha tayoqcha, paxta. Qondagi gemoglobin rang beruvchi modda bo`lib, eritrotsitlarning ko`p qismini tashkil qiladi.

U murakkab oqsillardan xromoproteidlar gruppasiga kiradi. Gemoglobin ikki qismdan iborat. Oqsilli qismi globin, ikkinchi qismini modda – gem tashkil qiladi. Gemoglobin tarkibida temir moddasi bo`lib, uning yordamida gemoglobin kislorod va karbonat angidridni tashish vazifasini bajaradi. Qondagi gemoglobin miqdorini birinchi marta Sali gemometr asbobida aniqlagan. Sali gemometri shtativdan iborat bo`lib, uning orqa tomoniga hiralashtirilgan oyna o`rnatilgan. SHtativda uchta probirka o`rnatilgan bo`lib, ikki chetidagi probirkalarga sariq rangli standart eritma – gematin sul’fat kislota to`ldirilib payvandlab qo`yilgan. O`rtadagisi bo`sh bo`lib, ikki xil darajalarga bo`lingan. Birinchi daraja 100 g. qondagi gemoglobinning gramm hisobini, ikkinchisi esa gemoglobinning normaga nisbatan (100 ml. qonda 16,67 g. miqdorida bo`lishi 100 % ni tashkil qiladi) protsent hisobidagi miqdorini ko`rsatadi. Sog`lom odam qonida gemoglobin miqdori har xil bo`ladi. U erkaklarda 13,3 – 15,6 grammgacha yoki 82,8 – 93,6 % ni (gemometr birligida), ayollarda esa 12,1 – 13,8 grammgacha yoki 75,6 – 82,2 % ni tashkil qiladi.