Биология дарслари Режа: Дарс ўқитишнинг асосий формаси

---

Биология дарслари 
 
Режа: 
1.Дарс ўқитишнинг асосий формаси. 
2. Дарс структураси 
3. Биология дарсларининг типлари ва турлари 
Дарс ўқитишнинг асосий формаси. 
Бутун таълим-тарбия тизими, 
мазмуни, методлар ва тарбиянинг барча мураккаб комплекси дарсда 
амалга ошади. 
Дарс – ўқитувчининг ёши ва тайёргарлиги бир хил бўлган 
доимий ўқувчилар жамоаси, синф билан давлат дастури ва қатъий 
жадвал бўйтча олиб борадиган, таълим-тарбия ишларини ташкил 
этишнинг асосий шаклидир.
Биология дарсларида ўқувчилар ўқитувчи раҳбарлигида давлат 
дастурига мувофиқ муайян тизим ва изчилликда назарий билим ва 
амалий уқув ҳамда кўникмаларга эга бўлиб борадилар. Биология 
дарсларида экскурсияларга боишга, тирик табиат бурчагида кузатиш ва 
тажрибалар ўтказишга, биологик кечалар ташкил қилишга, синфдан 
ташқари ўқишларга зарурат туғилади. 
Таълим-тарбия вазифалари асосан дарсда ҳал қилинади. 
Ўқитувчининг бутун педагогик фаолияти дарс билан боғлиқ ҳолда 
боради, унинг барча иш тизими ҳамдарсда яққол намоён бўлади. 
Шунингдек биология ўқитишнинг ҳамма асосий қоидалари дарсларда 
ўз тадбиқини топади. Ҳозирги замон дарси учун унинг вазифаларини 
кенг кўламда талқин қилиниши характерлидир. Ҳар бир дарс дастурда 
мўлжалланган маълумотлар йиғиндисини ўқувчилар онгига етказиш 
билан бирга, бола шахсини шакллантиришга, унда илмий дунёқарашни 
ривожлантиришга ва соғлом аҳлоқни тарбиялашга, уни ҳар томонлама 
ривожлантиришга, 
айниқса 
ўқувчининг 
билиш(идрок 
қилиш) 
қобилияти ҳамда ижодий мустақиллигини ўстиришга қаратилган 
бўлиши керак 
Дарс методикасида унинг мазмуни асосий ўринни эгаллайди. 
Одатда дарс мазмуни унинг кўп қиррали вазифаларига мос бўлиши 
лозим. Бунда ўқувчи тафаккури ва ижодий мустақиллини 
ривожлантирилиши учун мўлжалланган муаммоли масалалар алоҳида 
аҳамият касб этади. 

---