Biokimyo va molekulyar biologiya

Ishning bajarilishi: 2 ta probirka olib, ularning har biriga 1 ml dan suyultirilgan so’lak solinadi. Ulardan biriga 1 ml saxaroza, ikkinchisiga 1 ml kraxmal solib, 10 daqiqa termostatga (38°C ga) qo’yiladi. Bundan keyin sovitiladi va har bir probirkada Trommer reaksiyasi qilib ko’riladi. Reaksiya natijasi shuni ko’rsatadiki, amilaza faqatgina kraxmalni katalizlaydi, saxarozaga ta’sir etmaydi.
9 – laboratoriya mashg`uloti

So’lakdagi amilaza fermentining aktivligiga pH ning ta’siri.
Har bir ferment ma’lum pH muhitida optimal aktivlikka ega bo’ladi. Masalan, pepsin uchun pH 1,5-2,0 ga teng, so’lak amilazasi uchun 6,8 -7,0; tripsin uchun 7,8; oshqozon osti bezining lipazasi uchun 7,0-7,8 ga teng bo’ladi.

Tajribalar shuni ko’rsatadiki, har xil substratdan ajratib olingan va bir xil reaksiyani katalizlaydigan fermentlar o’zining optimal aktivligini pH ning har xil ko’rsatkichlarida namoyon qiladi. Masalan, shakarqamishda uchraydigan saxarazaning optimal ta’sir qilish pH ko’rsatkichi 6,2 ga teng, achitqilardan ajratib olingan saxarazaning optimal pH 4,6-6,0 ga teng. So’lak amilazasining optimal pH 6,8-7,0 ga teng bo’lsa, unayotgan bug`doy amilazasining pH 4,4 - 4,5 ga teng bo’ladi.

Reaktivlar: a) so’lak (100 marta suyultirilgan), b) 0,5% li kraxmal, v) 1% li natriy xlorid, g) 0,1 M li limon kislota, d) 0.2 M li natriy fosfat, e) Lyugol eritmasi.