Biokimyo pmd

Membranalarning umumiy xossalariga suyuqlik tabiati,

ko‘ndalang asimmetriyasi, moddalarni tanlab o‘tkazishi kiradi. Lipid

qo‘shqavati suyuq kristallik tuzilishiga egadir. Lipid molekulalari qavat

doirasida membrana yuzasiga parallel ravishda diffuziyalanish xossasiga

ega (lateral diffuziya). Oqsil molekulalari ham lipid qavatida gg‘yo suzib

yuradi. Membranalarda ko‘ndalang diffuziya cheklangan holda sodir

bo‘ladi. Membranalarning ikkinchi umumiy xossasi komponentlarining

asimmetrik joylashishidir. Jumladan periferik va integral oqsillar o‘zaro

asimmetrik joylashgan. Plazmatik membrananing ichki yuzasida asosan

fermentlar joylashgan bo‘lsa, membrana sirtida hujayraning boshqa

hujayralar bilan aloqasini ta’minlovchi, tashqi signallarni qabul qiluvchi

oqsillar joylashgan, faqat oqsillar emas balki fosfolipidlar molekulasi

ham asimmetrik joylashgan. Membranalarning uchinchi muhim

xususiyati – moddalarni tanlab o‘tkazishidir.