«Биохилма-хилликни сақлаш ва ривожлантириш» Республика илмий-амалий анжумани

«Биохилма-хилликни сақлаш ва ривожлантириш» Республика онлайн илмий-амалий анжумани
Гулистон 2020 й. 17-18 апрель
77 
Соя ўсимлиги униб чиқиши даврида дастлаб уруғ палла баргларни ер 
устига олиб чиқади. Уруғ палла барглар юзага чиқиб очилгандан сўнг ўртада 
биринчи чин барглари ёки примордиаль барглари бурушган ҳолда кўринади. Бу 
барг сояда аслида оддий қарама- қарши ўсадиган бўлиб у уруғ палла барглар 
ўртасидан ўсиб чиқади. Бу барг аслида уруғ палла баргдаги заҳира озиқалар 
эвазига озиқланади. Қачонки ўзи очилгандан сўнг бу барг ўзини автоном 
озиқлантира бошлайди. Биз ана шу биринчи чин баргларни ҳар томонлама 
ўрганишга ҳаракат қилдик: 
1. Ушбу баргнинг униб чиқишидан то ғунчалаш фазасигача барг 
сатҳининг ўзгариши; 
2. Примодиаль баргнинг қуруқ массаси ва биокимёвий таркибининг 
дастлабки ривожланиш фазаларидаги ўзгариши; 
3. Ўрганилган соя навлари примордиаль баргларининг бир биридан 
фарқи. 
Тажрибанинг объекти
. Тажрибада биз иккита соя нави маҳаллий Нафис 
ва хориждан келтирилган Селекта 302 навлари олинди. 
Нафис- нави- ўртапишар бўлиб, ўсув даври 115-118 кун. 1000 дона 
уруғининиг вазни150-160 г. келади, уруғлдарида 41, 5 % оқсил ва 24, 5 % мой 
сақлайди, қурғоқчиликка нисбатан чидамли, ҳосилдорлиги 26-28 центнер бўлиб 
асосий ва такрорий экишга яроқли нав. 
Селекта- 302 нави-
Краснодар ўлкасида районлаштирилган бўлиб, 
Маньжурия тур хилларидан келиб чиққан. Ўртапишар, бўйининг баландлиги 
120-130 см., кам шохлайди, пастки дуккакларининг жойлашиши 14-16 см, минг 
дона уруғининг оғирлиги 170-190г бўлиб, ўртача ҳосилдорлиги 25-28 ц/га, 
максимал ҳосилдорлиги 40 ц/га. Уруғи таркибида 39-41 % оқсил ва 21- 23% 
мой сақлайди. 
Тажрибалар 2018-2019 йилларда даладаги майда делянкали тажрибаларда 
олиб борилди. Соя экилган майдонда ўтмишдош экин олдинги йиллари пахта 
бўлган.Кузда пахтани йиғиб олгандан сўнг кузги шудгор қилинган, аммо ҳеч 
қандай минерал ўғит берилмаган. Баҳорда икки марта борно қилиниб ерлар соя 
экиш чун тайёрланади. Экиш билан бирга гектарга 100 кг ҳисобида аммиак 
селитраси берилди. Соя экишни апрел ойининг 18 куни олиб борилди. Экиш 
меъёри бир гектарга 500 минг туп миқдорда аниқланди. Тажрибалар тўрт 
такрорда бажарилди. 
Тажриба учун икки хил соя навларидан примодиаль баргларни учталик 
барг ҳосил қилиш ва ғунчалаш фазаларида ҳар бир такрордан 10 тадан барг 
олинди ва тахлиллар ана шу баргларда олиб борилди. 

---