«Биохилма-хилликни сақлаш ва ривожлантириш» Республика илмий-амалий анжумани

«Биохилма-хилликни сақлаш ва ривожлантириш» Республика онлайн илмий-амалий анжумани
Гулистон 2020 й. 17-18 апрель
357 
6.
С.В. Клименко, Е.В. Скрипка, Д.Д. Жолтонога // Интродукция и 
акклиматизация растений. – 1988. – Т. 9. – С. 80-84. 
7.
Леонтяк, Г.П. Что делают из кизила / Г.П. Леонтяк // Сел. хоз-во Молдовы. – 
1990. – Т. 12. – С. 36. 
ТУПРОҚ ШЎРЛАНИШИ ВА ЎСИМЛИКЛАРНИНГ ШЎРГА 
ЧИДАМЛИЛИГИ 
Норбоева Н.Т.– магистранти., Авутхонов Б.С.–б.ф.ф.д., доцент 
Самарқанд давлат университети 
Ўсимликшуносликда 
маҳсулдорлик 
пасайишининг 
энг 
асосий 
сабабларидан бири ҳар хил шаклдаги абиотик стрессорлар таъсири, жумладан, 
бундай омиллар ичида асосий ўринни тупроқ шўрланиши эгаллайди. 
Шўрланиш айниқса, қурғоқчил ва ярим қуруқ иқлим шароитларида ўсимлик 
маҳсулдорлигини чеклайдиган энг муҳим экологик муаммолардан биридир [1]. 
Тупроқ шўрланишининг йилдан-йилга ошиб бориши қатор қишлоқ 
хўжалик ўсимликларидан юқори ва сифатли ҳосил олишга салбий таъсир 
кўрсатмоқда. Шўрланган тупроқлар иқлими иссиқ ва қуруқ бўлган 
минтақаларда кўпроқ бўлиб, натрий, кальций, магнийнинг хлоридли, сулфат ва 
карбонатли тузлари шаклида учрайди. 
Тупроқнинг ортиқча шўрланиши ўсимликлар учун (айниқса қишлоқ 
хўжалик экинлари) икки томонлама зарарли ҳисобланади. Биринчидан, тузнинг 
кўпайиши тупроқ эритмасининг осмотик босимини оширади ва илдизларнинг 
сувни шимиш тезлигига салбий таъсир этади. Осмотик босими паст бўлган 
ўсимликлар бундай тупроқлардан сувни ўзлаштира олмайди. Иккинчидан, 
тупроқда эрувчан тузларнинг ортиқча тўпланиши ўсимликларга зарарли таъсир 
этади. Ўсимликлар тупроқнинг шўрланиши муносабатига нисбатан иккита 
асосий гуруҳга галофитлар ва гликофитларга бўлинади. Ўсимликларнинг тузга 
чидамлилиги масаласи кўпчилик тадқиқотчиларнинг диққатини ўзига тортади. 
Бу масалани ҳал қилиш ўсимликларнинг тузга чидамлилигини ва унга тупроқ 
таркибида кўп миқдорда бўладиган сувда эрийдиган тузларнинг таъсирини 
аниқлашдан иборат [2]. 
Шўрга чидамлилик ўсимликларнинг ривожланиш босқичларига кўра 
ўзгарувчандир. Ёш ўсимликлар шўрга чидамсиз бўлади, айниқса, гуллаш 
босқичида ўсимликларга туз салбий таъсир этади. Улар туз таъсирига сезгир 
бўлиши туфайли заиф ўсади, ўсимлик ўсган сари унинг шўрга чидамлилиги 
орта боради. Маданий ўсимликлар ўртасида чинакам галофитлар учрамайди, 
(шунингдек, чинакам ксерофитлар ҳам учрамайди). Улар орасида кўпроқ ёки 

---