«Биохилма-хилликни сақлаш ва ривожлантириш» Республика илмий-амалий анжумани

«Биохилма-хилликни сақлаш ва ривожлантириш» Республика онлайн илмий-амалий анжумани
Гулистон 2020 й. 17-18 апрель
248 
Давлат тизими вакиллари билан жамоат ташкилотлари орасида экологик 
таълим моҳиятини тушунишдаги тафовут 
Бунда давлат тизимида, масалан, халқ таълими вазирлигида “экологик 
таълим” сўз бирикмасини “экология” фани билан бир нарса деб қарашса, 
нодавлат ташкилотларнинг мутахассислари эса бу тушунчани атроф-муҳит 
муҳофазаси учун олинадиган таълим деб тушунади. 
Биринчисида бу атамага эътибор кўпроқ унинг илм-фани, турли 
йўналишларига, жумладан, илмий, иқтисодий, ҳуқуқий, техник, фалсафий, 
эстетик, педагогик, сиёсий, психологик, гигиеник ва бошқа томонларига, яъни 
қонуниятлари ва негизига қаратади. 
Иккинчисида асосий эътибор аҳолининг ҳатти-ҳаракатидаги экологик 
таълимга оид тушунчаларга, кўникмаларга ва одатларнинг ечимига қаратилган. 
Булардан ташқари айрим камчиликлар кўзга яққол ташланмоқда:
1. Экологик таълим умумий таълимнинг таркибий қисми сифатида 
шаклланмаган. 
2. Давлат талаблари асосида босқичма-босқич, ўқувчи-ёшларнинг 
билимлари зарур бўлган экологик билимлар тизимининг мазмуни, ҳажми 
аниқланмаган. 
3. Экологик таълимни узлуксиз таълим сифатида ўқишнинг шакл ва 
услублари ишлаб чиқилиб, амалиётга тадбиқ этилмаган. 
4. Экологик таълим тизимини амалга ошириш жараёни техника 
воситалари билан тўлиқ таъминланмаган. 
5. Ота-боболаримизнинг экологик таълимга оид анъана, удумларидан кам 
фойдаланилган. 
6. Турли фан ўқитувчиларига мўлжалланган экология тўғрисидаги ўқув 
қўлланмалар ва услубий адабиётлар етарли эмас. 
7. Ислом таълимотидаги ибратли экологик ғоялар ўрганилиб, амалиётга 
жорий этилмаган. 
8. Экологик таълим-тарбияга мослаштирилган ўқув материаллари давр 
талабида эмас. 
9. Экологик таълимни барқарор ривожланлириш манфаатлари учун 
ташкил этишдаги ишлар узвий бироликка эга эмас. 
Булардан ташқари қуйидаги қийинчиликлар ҳам экологик тарбияни 
сифатли ва самарали ўтишида ҳалақт бермоқда. 
а) ўқитилаётган фанларда экологик масалаларнинг назарий асослари 
жамиятнинг барқарор ривожланиш манфаатлари юзасидан ишлаб чиқилмагани 
б) педагог ва ўқитувчиларнинг экология соҳасидаги билимларини 
экологиянинг умумий назарияси ва амалиётдан орқада қолаётгани 

---