«Биохилма-хилликни сақлаш ва ривожлантириш» Республика илмий-амалий анжумани

«Биохилма-хилликни сақлаш ва ривожлантириш» Республика онлайн илмий-амалий анжумани
Гулистон 2020 й. 17-18 апрель
107 
ИНТРОДУКЦИЯ ШАРОИТИДА 
SALVIA 
L. ТУРКУМИ ТУРЛАРИ 
УРУҒЛАРИНИНГ УНУВЧАНЛИК ХУСУСИЯТЛАРИ 
Усмонова Ш.Ш., Насриддинова М.Р. Қарши давлат университети
E-mail: 
[e-mail]
 
Salvia 
L. - мармарак (маврак, зиғирак) туркуми 
Lamiaceae 
Lindl.
 
(лабгулдошлар)
оиласига мансуб катта туркумлардан бири бўлиб, ер юзида 
туркумнинг 700 дан ортиқ тури учрайди. Булар орасида доривор, эфир мойли, 
асал берувчи, зиравор ва манзарали турларни учратиш мумкин. Туркум 
вакиллари ҳаётий шаклига кўра ўт ўсимлик ва яримбута ҳисобланади [1]. 
Туркум вакилларининг хом ашёсидан халқ хўжалигининг турли 
соҳаларида кенг фойдаланилади. Шу сабабли 
Salvia 
L. туркумига мансуб айрим 
турларнинг Қарши шароитида биоэкологик хусусиятларини ўрганишни мақсад 
қилдик. 
Salvia officinalis – 
бўйи 0,5-1 м гача ўсадиган доим яшил яримбута. Пояси 
тик ўсувчи, биринчи йили тўрт қиррали, қуйи қисми ёғочланади, яшил қисми 
безли тукчалар билан қопланган. Илдизи ўқ илдиз, кўп тармоқли. Бандли 
барглари пояда қарама-қарши жойлашган, узунчоқ ланцетсимон. Гуллари икки 
лабли, кўк-бинафша рангда бўлиб, барг қўлтиқларида жойлашган. Уруғи 
юмалоқ, қорамтир-жигарранг тусда, диаметри 7-8 мм. 4 та косачабаргни 
бирикиб ўсишидан ҳосил бўлган ёнғоқча ичида жойлашган [2]. 
Salvia splendens
– кўп йиллик чала бута. Пояси тик ўсувчи, бўйи 50-80 см 
келади. Тўртқиррали новдаларида барглар қарама-қарши жойлашган. Барглари 
бандли, тухумсимон шаклда. Гуллари йирик, қизил рангда, икки лабли 
зигоморф, шингил тўпгулда тўпланган. Меваси 4 та косачабаргни бирикиб 
ўсишидан ҳосил бўлган ёнғоқча [1]. 
S.officinalis 
Ўзбекистон 
флорасида 
учрамайди.
 
S.splendens
республикамизда кенг миқёсда учрашига қарамасдан табиий ҳолда ўсмайди, 
фақат маданий манзарали тур сифатида экиб ўстирилади [3]. 
Халқ хўжалигида
Salvia 
L. туркуми вакилларининг ер устки қисмидан 
фойдаланилади. 
S.officinalis
баргларида 1-2,5% гача, ер устки яшил қисми ва 
гулли шохчаларида 0,32% дан 0,40% гача эфир мойи тўпланади. Бундан 
ташқари ер устки қисми таркибида кўплаб алкалоидлар, флавоноидлар, 
ошловчи моддалар, урсол ва олеанол кислоталар, Р ва РР витаминлари ва бошқа 
моддалар ҳам учрайди. Унинг барглари томоқ, кўкрак, юқори нафас йўллари 
яллиғланиши, меъда касалликлари ва ич кетишга қарши ишлатиладиган йиғма-
чойлар таркибида мавжуд бўлиб, тиббиётда ундан дизенфикцияловчи, 
буриштирувчи, яллиғланишга қарши восита сифатида фойдаланилади. 

---