Biogeografiya kk

A’piwayılar tipi. Bular bir kletkalılar bolıp tabıladı. Ayırım waqıtları kletkalar 
koloniyalardı payda etedi. A’piwayılar ken’ tarqalg’an. Olar ten’izdin’ betinen en’ teren’ jerlerine 
shekem tarqalıp plankton, bentostın’ du’ziliwinde qatnasadı. Ko’pshiligi topıraqta tirishilik etedi. 
Omırtqasız ha’m omırtqalı haywanlardın’ ishegine ornalasıp xozyayinnin’ qaldıq awqatları 
menen awqatlanadı yag’nıy saprofit formada jasaydı. A’piwayılardın’ barlıq klasslarında 
ko’pshilik sanda parazit tu’rleri ushırasadı. A’piwayılar okean ilin payda etiwde u’lken rol 
oynaydı. 
Gubkalar tipi. Bular ten’iz haywanları bolıp otırıp tirishilik etedi. Olardın’ skleti 
uglekislıy, kaltsiy, kremniy yamasa organikalıq zat sponginnen turadı.
Gubkalar-ku’shli biofiltratorlar bolıp o’zinin’ denesinen ko’p mug’darda suwdı o’tkeredi. 
Ayırım gubkalar basqa organizmler menen kommensalizm qatnasına tu’sedi. Ma’selen, jasıl bir 
kletkalı vodorosller gubka denesine ornalasıp dushpannan qorg’anadı, o’z gezeginde gubkanı 
kislorodqa toydıradı. 
Đ
shek quwıslılar tipi. Suwda jasaydı. Otırıp tirishilik etedi yamasa du’nya ju’zlik okean 
suwında ju’zip ju’redi. Bularg’a polipler, meduzalar, gidralar kiredi. Korall polipleri tropik 

---

17 
suwlarda jasaydı. Rif du’ziwshi polipler (korollar) 50 m den to’mende jasamaydı, olardın’ 
simbiontları bir kletkalı vodorosller-zooksantellalar. Bular poliplerge kislorod berse, ekinshi 
ta’repten korall koloniyalarında dushpanlardan qorg’anadı. 
Jalpaq, qurtlar tipi. Bul tiptin’ erkin jasawshı wa’killeri-turbelyariyalar-ten’izlerde ishki 
suwlarda, siyrek qurıqlıqtın’ ıg’allı uchastkalarında jasaydı. Ko’pshilik tu’rleri haywan ha’m 
adamlarda parazitlik etedi. Bir a’wladı birden eki ha’m u’sh xozyaynde tirishilik etedi.