Suyakli baliqlar muskul sistemasining umumiy tuzilishi

BALIQLARNING SKELETI VA MUSKULLARI


Reja:

1. 
   Suyakli baliqlar skeletining umumiy tuzilishi.
   

2. Suyakli baliqlar muskul sistemasining umumiy tuzilishi.

Ko‘pchilik baliqlarda sklet ikki tomonlama: tashqi (tangacha) va ichki (tayanch). Tayanch skletning asosiy qismi o‘q sklet (umurtqa pag‘onasi), bosh skleti, ko‘krak skleti, chanoq kamari skleti va suzgich qanotlari skleti.

4-rasm. Okunning (suyakli baliqlar) skleti. 1.Ko‘krak suzgichining suyaklari va nurlari. 2.Qorin suzgichi suyaklari. 3.Umurtqa pog‘onasi. 4.Qovurg‘a o‘simtalari. 5.Anal suzgichining suyaklari. 6. Anal suzgichi nurlari. 7.Orqa suzgichlarning asosiy suyaklari. 8–9. Orqa suzgichlarning nurlari. 10.Dum suzgichining nurlari. 11.Bosh suyaklari. 12.YUqorigi va pastki jag‘lar. 13.Jabra qopqog‘i. 14.Oxirgi umurtqalar, dum suzgichlarini tutashtiruvchi suyaklar.
Bosh skleti asosan bosh quttisidan va umurtqa pag‘onasi bilan tutashgan bo‘ladi, lekin harakatsiz tutashgan. Bosh skletining ba’zi qismlari ayniqsa baliq turini aniqlashda qo‘l keladi. Bu ayniqsa jabra apparati va uning qopqog‘i. Jabra qopqog‘i 4 ta suyakdan iborat bo‘lib, 5 ta jabra yoyini qoplab turadi. Jabra yoyining ichki yuzasida jabra tichinkalari joylashgan, tashqi yuzasida jabra yaproqlari joylashgan. Jabra yaproqlari nafas a’zosi hisoblanadi. Jabra techinkalarining soni va shakli baliq ovqatlanish xarakteriga bog‘liq, oxirgi beshinchi jabra yoyi tichinkalardan va jabra yaproqlaridan maxrum bo‘lgan bo‘lib u pastki halqum suyagiga aylanadi. Halqum suyagida ba’zi bir baliqlarda halqum tishlari hosil bo‘ladi. Bunday halqum tishlari karpsimonlarda yaxshi rivojlanadi. 4 – rasmda baliq skleti tuzilishi ko‘rsatilgan.