Binolarni muhandislik loyhalash 1 Binolarni suvoq bilan Ta’mirlash tarmoqlari va jihozlari

Насос қурилмаси. Хужалик-ичимлик мақсадлари учун насос қурилмасини алоҳида жойлашган бинода (иссиқлик қозонхонаси, марказий иссиқлик пункти) ўрнатиш мақсадга мувофиқ. Насос қурилмасини яшаш хонаси,болалар боғчаси ва яслиларда гурух хоналари, мактаб синфлари, ишчи хона, ўқув хоналари тагидан жойлаштириш рухсат этилмайди.
Ёнғинга қарши насос қурилмасини бинонинг биринчи қавати ва ертулада жойлаштириш мумкин.Бу холатда насос жойлашган хонада «+» харорат сақланиши зарур ва алоҳида ташқарига чиқиш эшиги бўлиши керак.
Биноларнинг сув билан таъминланиш тоифасига мувофиқ ишчи ва резерв (заҳира) насос қурилмалар сони КМК 2.04.02 – 97га асосан танланади. Маълумки шаҳар водопроводидан таъминланадиган биноларнинг сув таъминоти тизими КМК га мувофиқ II – тоифага мансуб бўлиб сув билан таъминлашда 6 соатгача узилиш бўлиши мумкин.Бу холда хужалик ичимлик насослари битта резерв агрегатига эга бўлади. Баландлиги 50 м дан юқори бўлган биноларнинг ёнғинга қарши сув таъминоти тизими I – тоифага мансуб ва шунинг учун резерв насос агрегатлари сони иккитадан кам бўлмаслиги керак.
Совуқ ва марказий иссиқ сув таъминотига хамда ёпиқ иссиқлик таъминотига эга бўлган биноларда босимни оширувчи насослар сув иситгичгача ўрнатилади яъни умумий (иссиқ ва совуқ) сувни хайдашга хизмат қилади.
Босимни кўчайтирувчи насосларни танлашда тизимнинг энг қийин иш режимидан келиб чиққан холда максимал сув истеъмоли ва шаҳар водопроводидаги энг кам босим холати олинади. У холда босимни кўчайтирувчи қурилма орқали ҳосил қилинадиган босим қуйидагича топилади:
Нр = Нгеом + Σ Н _tot + H_f – H_g
бу ерда, Нгеом – насос ўқидан энг юқкори жойлашган жихозгача сувни
кўтариш геометрик баландлиги,м
Σ Н _tot –қувурда босимнинг умумий йўқолиши,м
H_f –санитар жихоздаги меъёрий эркин босим,м
H_g–ташқи водопровод тармоғидаги энг кам кафолатланган
босим,м

Биноларнинг сув таъминоти тизимида консолли К ва КМ маркали насослар қўлланилади. Насосларнинг ишлаб чиқариш куввати, агарда системада ростлаш сиғими бўлмаса максимал секундлик сув сарфидан кам бўлмаслиги керак,акс холда, яъни сиғим мавжуд бўлса – максимал соатлик сув сарфидан кам бўлмаслиги керак.

Тизимда босимни оширувчи насос қўлланилганда унинг афзаллиги: сувнинг сифати бузилмайди, қурилманинг ишини ташқил қилиш ва уни ўрнатиш осон. Камчилиги: шовқин ва тебраниш, ортиқча электроэнергия сарфи.


4(в)-расм. Сув босимини ошириш насосларига эга тизимлар.
1-сув киритиш ери; 2-сув ўлчаш счетчиги; 3-магистрал қувурлар; 5-хонадонлардаги тармоқлар; 6-сув олиш жиҳозлари; 7-тескари клапан; 12-марказдан қочма насос.