Бино ва иншоотларни лойихалаш қуриш, капитал таъмирлаш ва реконструкция ишларини бажаришда пудратчи ташкилотларни танлаш бўйича (тендер) танлов ўтказиш

Пудратчининг мажбуриятлари:

• 
  Барча ишларни шартномада ишларни бажариш жадвалида назарда тутилган ҳажмда ва муддатларда ўзининг кучлари ёки жалб қилинган кучлар билан бажариш ҳамда ишни буюртмачига шартнома шартларига мувофиқ топшириш.
  
• 
  Қурилиш майдонида вақтинчалик иншоотлар қуриш
  
• 
  Буюртмачини пудрат шартномалари тузилиши давомида суб пудратчилар билан шартномалар тузилиши, шартнома мавзуси, субпудратчиларнинг номи ва манзили тўғрисида хабардор қилиш.
  
• 
  Қурилиш майдонида техника хавфсизлиги, ишларни бажаришда атроф мухитни, ўтказилган дарахтларни ва ер участкасини мухофаза қилишда зарур тадбирлар бажарилишини таъминлаш, шунингдек ёритиш чироқлари ўрнатиш.
  
• 
  Қурилиш тавакалчиликларини суғурта қилиш.
  
• 
  Мазкур шартнома бўйича объектни фойдаланишга қабул қилиб олиш тўғрисидаги далолатнома имзоланган кундан бошлаб бир ой муддатда қурилиш майдонини ўзига тегишли қурилиш машиналари ва асбоб-ускуналари, транспорт воситалари, анжомлар, приборлар, инвентарлар, қурилиш материалари, буюмлар, конструкциялар ҳамда вақтинчалик бинолардан бўшатиш.
  
• 
  Қурилиш майдони қўриқланишини таъминлаш
  

Пудратчи шартнома бўйича барча ишларнинг ўз кучлар билан ва субпудратчилар томонидан зарур тарзда бажарилиши ҳамда объектнинг фойдаланишга тайёр ҳолда топширилиши учун буюртмачи олдида тўлиқ мулкий жавоб беради.
Буюртмачининг мажбуриятлари.

• 
  Шартнома имзоланган кундан бошлаб уч кун муддатда шартномага мувофиқ ишларни бажариш учун яроқли бўлган қурилиш майдонини объект қурилиши ва қурилиш тугалагунча қадар бўлган даврда далолатнома бўйича пудратчига бериш.
  
• 
  Ишлар бажарилиши устидан доимий архитектура – қурилиш назоратини ва мазкур шартномада қайд этилган пудратчи томонидан қабул қилинган мажбуриятлар ва бошқа фунцияларга риоя этилишини назорат қилиш, пудратчидан тугаллаган ишларни қабул қилиб олишни таъминлаш.
  
• 
  Пудратчининг барча мурожаатларини ўн кун муддатда кўриб чиқиш ва қарор қабул қилиш.
  
• 
  Молиялаштириш жадвалига биноан пудратчи аванс бериш ва жорий молиялаштириш амалга ошириш
  
• 
  Шартнома имзоланган кундан бошлаб 2 ой мобайнида пудратчига ишларни қабул қилиш учун зарур бўлган ижро ҳужжатлари рўйхатини тақдим этиш.
  
• 
  Пудратчи шартномага илова қилинадиган молиялаштириш жадвалига мувофиқ биринчи аванс тўлови тушган кундан бошлаб ишларни бажаришга киришади.
  
• 
  Тўловлар ва ҳисоб-китоблар бўйича шартлар амалдаги молиялаштириш қонунчилиги талаблари асосида амалга оширилади.
  

Пудратчи объект топширигунча қадар шартнома бўйича объектга мулк ҳуқуқини ўзида сақлаб қолади. Объект буюртмачига топширилгунча қадар объектнинг тасодифий йўқ қилиши ва шикастланиши хавфи пудратчининг зиммасида қолади.