Bino va inshootlar qurilishi

Linoleum pollarini yotqizish ishlarining bajarilish tartibi
O‘rama materialli pollar turar joy va jamoat binolarida bajariladi. Pol qoplamasi sifatida asossiz va kiygiz asosga ega linoleum, sintetik gilam qoplamalar ishlatilishi mumkin.
Linoleum quyidagi xillarda ishlab chiqariladi: polivinil xloridli, alkidli, rezinali, issiq izolyatsiya asosli. Linoleum o‘ramda 12m uzunlikda alkid linoleumi o‘ramida 30m gacha uzunlikda, eni 1200...3000 mm, qalinligi 1,5...5mm oraliqda ishlab chiqiladi. Rezinali linoleum (Relin) sintetikkauchuk asosidagi rezina aralashmasi bo‘lib, tovushdan himoya hususiyatini yaxshilash uchun pastki qatlami mayda g‘ovakli rezinadan tayyorlanishi mumkin.
Linoleum pollarni qanday linoleum asossiz (sovuq) yoki qigiz asosli (issiq) qo‘llanilishiga bog‘liq o‘ziga xos jixatlarini ko‘rishda e’tiborga olish lozim. Materialning muxim tavsifi eskirishga va ximyaviy ta’sirga chidamliligi xisoblanadi. Polivinilxloridli linoleum xar-xil turdagi binolarda, xarakatlanish jadal bo‘lgan xonalardan tashqari qo‘llaniladi, unga yog‘, moy va suv yomon ta’sir etishi mumkin. Alkid linoleumi kislota, ishqor suyultiruvchi moddalar ta’sir etuvchi xonalarda qo‘llash tavsiya etilmaydi. Rezinali linoleumning (relin) ayrim xillarini laboratoriya va jarroxlik operatsiyasi xonalarida foydalanishga tavsiya etiladi.
Linoleum barcha qurilish, sanitar–texnik, elektro montaj va pardozlash ishlari tugallangandan so‘ng qoplanadi.
Beton asos yoki sement-qumli qorishmali styajka sovuq asossiz linoleumli pol uchun yaroqli, issiq pol ostiga qo‘shimcha yog‘och–tolali plitalar yotqiziladi. Kigiz asosga ega linoleumni bevosita tekis qavatlar orayopmalar ustiga qoplash mumkin. Linoleumni o‘ramda saqlash jarayonida xosil bo‘lgan to‘lqinsimon notekislikni yo‘qotish maqsadida linoleum yelimlashdan 1...2 sutka oldin tayyorlangan va tozalangan asosga yoyib qo‘yiladi. Notekisliklar ustiga yuk qo‘yib bostiriladi.
Linoleum polotnasi tashqi devorga perpendikulyar holda yoriq tushadigan tomonga qarab yotqiziladi. Agar linoleum faqat koridorlarda, xonalarda boshqa pol qoplamasi ko‘zda tutilsa, ulanish choklari faqat eshik kesakisida barpo etiladi.