Bino va inshootlar qurilishi

Quvur o‘tkazgichlar tarkibi.
Neft, gaz va neft mahsulotarini uzoq masofalarga tashish uchun 
mo‘ljallangan inshootlarga magistral quvuro‘tkazgichlar deyiladi. Ular tarkibiga quyidagilar kiradi: 
1) konlardan tortib oluvchi quvuro‘tkazgichlar; 
2) nasos stansiyadan tarkib topgan bosh inshootlar; 
3) trassa bo‘ylab 80 – 100 km oraliqlarda joylashgan oraliq stansiyalar; 
4) 500 – 1420 mm diametrli quvuro‘tkazichlardan iborat bo‘lgan chiziqli inshootlar. 
Foydalanishga qulay bo‘lishi uchun quvuro‘tkazgich trassasi bo‘ylab telefon tarmog‘i va 
tuproq yo‘l o‘tkaziladi. 
Loyihalashga bo‘lgan talablar.
Magistral quvuro‘tkazgichlar 0,8 m dan kam bo‘magan 
chuqurlikda, suv to‘sig‘idan kesib o‘tganda suv tagidan 0,5 m chuqurlikda erga ko‘miladi. Kichik 
diametrli quvuro‘tkazgichlar nishabligi joy relefiga parallel holda loyihalanadi. Bo‘ylama profil 
nishab masofa bo‘ylab tuziladi. 
Trassa plani esa masofaning gorizontal qo‘yilishi bo‘yicha tuziladi. 

---

116 
Katta diametrli quvuro‘tkazgichlar planda va profilda hisob bo‘yicha loyihalanadi. SHuning 
uchun bu erda piketlarni rejalash chiziqni gorizontal qo‘yilishi bo‘yicha olib boriladi. 
Murakkab sharoitlarda (doimiy muz bilan qoplangan, botqoqli, tog‘li, o‘piriladigan joylar) 
magistral quvuro‘tkazgichlar yer ostidan o‘tkaziladi. 
Texnikaviy loyiha tuzish uchun bajariladigan qidiruv ishlari.
Bosh inshoot maydoni
quvuro‘tkazgichning boshlang‘ich punkti, zavod, baza yoki tarqatish maydonchasi esa oxirgi punkt 
hisoblanadi. Mana shu punktlar oralig‘ida barcha texnikaviy shatrlarga javob beradigan va kam 
xarajat talab qiladigan quvuro‘tkazgich trassasi tanlanadi. 
Trassa variantlari eng qisqa yo‘nalishni tanlagan holda topografik kartada belgilanadi. 
Imkoniyat boricha trassa qurilishida foydalanish maqsadida ular temir va avtomobil yo‘llariga 
yaqinroq loyihalanadi. 
Tanlangan trassa yo‘nalishi bo‘ylab 1:10000, 1:12000 masshtabda samolyotdan plan olish 
bajariladi. Joyda geodezik asos barpo etiladi va aerosuratlarni geodezik bog‘lash amalga oshiriladi. 
Trassani aholi yashash punktlariga 200 – 300 m dan yaqin o‘tishga ruxsat etilmaydi. 
SHu bilan birga neft o‘tkazgichlar aholi yashash punktlaridan past otmetkadan, gaz 
o‘tkazgichlar baland otmetkadan o‘tkaziladi.