Bino va inshootlar qurilishi

Elektr o‘tkazgich tarmog‘i yo‘nalishini tanlash.
Yer ustidan o‘tkazilgan tarmoq trassasi 
joyning topografik, injenyer – geologik va gidrometrik sharoitlarini hisobga olgan holda tanlanadi. 
Odatda gidrotexnik, issiqlik va atom elektrstansiyalari elektr o‘tkazgich tarmog‘ining 
boshlang‘ich punkti, yirik sanoat majmuasi esa oxirgi punkti hisoblanadi. Bu punktlar oralig‘ida 
elektr uzatgich tarmog‘i trassasi imkon boricha qisqa masofada, qulay topografik va injenyer – 
geologik sharoitga ega bo‘lgan joylardan o‘tishi kerak. Lekin, shu bilan birga yer va suv 
qonunchiligi asoslari talablarini e’tiborga olish maqsadga muvofiq bo‘ladi. 
Elektr uzatgich tarmog‘i trassasi aerodrom, aholi yashash punktlarini, sanoat korxonalari, 
zapovedniklar, kurort maydonlaridan aylantirib o‘tkaziladi. Trassa qanchalik kam suv xavzalari, 
injenerlik inshootlarini kesib o‘tsa maqsadga muvofiq bo‘ladi. 
Daryo bo‘ylab trassa o‘tkazilganda, tanyachlarni iloji boricha suv qoplamaydigan joylarga 
o‘rnatishga xarakat qilinadi. Tog‘li joylarda esa tayanchlar mustahkam qoyalarga o‘rnatiladi, bu 
bilan shamol va muzlash ta’siri kamaytiriladi. 
Trassaning bir necha varianti yirik masshtabli topografik kartada loyihalanadi va eng qulay 
hisoblangan varianti tanlab olinadi.
Plan olish asosi sifatida taxeometrik yo‘ldan foydalaniladi. Taxeometrik yo‘l o‘tkazishda 
masofa va nisbiy balandliklar to‘g‘ri va teskari yo‘nalishlarda o‘lchanadi. Ba’zi hollarda avval 
tomonlari 500 – 1000 m ga teng bo‘lgan asosiy yo‘l o‘tkaziladi. Tomon o‘lchash nisbiy xatoligi 
1/500. Plan olish yo‘llari asosiy yo‘lga tayanadi. Trassa bo‘ylab yo‘llarni planli – balandlik 
bog‘lash 15 – 20 km oraliqda amalga oshiriladi. 
Ishchi plan va trassa tarmog‘i profili tayanch markazlarini rejalash loyihasining asosiy 
hujjati hisoblanadi. 
Tanyachlarni rejalash, piketlash qiymatlari bo‘yicha yaqin joydagi mahkamlangan nuqtadan 
teodolit yordamida amalga oshiriladi. 
Tayanchlar noqulay joylarga to‘g‘ri kelib qolgan holatda, uni tarmoq o‘qi bo‘ylab 3 m gacha 
siljitish mumkin. 
Yer ostidan o‘tuvchi tarmoqni ijroiy planga tushirishda tayanchlar orasidagi masofalar va 
ularning tikligi o‘lchanadi.