Бҳхс (ias) 1 «Молиявий ҳисоботни тақдим этиш»

бир-бирига мувофиқлиги Тушунарлилик Аҳамиятлилик Муҳимлик Тўғри ва беғараз тасаввур Тугаллик Изчиллик Замонавийлик Оффсеттинг (моддаларнинг ўзаро ҳисобга олиниши) Холислик Ҳисоб сиёсати

Ҳаққоний тақдим этиш ва МҲХСларга мувофиқлик

Молиявий ҳисоботлар хўжалик субъектининг молиявий ҳолатини, молиявий натижаларини ва пул оқимларини ҳаққоний тарзда тақдим этиши лозим. Ҳаққоний тақдим этиш операцияларнинг, бошқа ҳодисаларнинг ва шароитларнинг оқибатларини Концептуал асосда келтирилган активлар, мажбуриятлар, даромадлар ва харажатларнинг таърифларига ва тан олиш мезонларига мувофиқ ҳаққоний тақдим этишни талаб этади. МҲХСларни, зарур бўлганда қўшимча маълумотларни ошкор этиш билан бирга, қўллаш ҳаққоний тақдим этишни таъминлайдиган молиявий ҳисоботларга олиб келади деб кўзда тутилади.

Умумий қоидалари(МҲХС ва БҲМС)

БҲХС (IAS) 1 «Молиявий ҳисоботларни тақдим этиш»
стандарт умумий фойдаланиш учун мўлжалланган молиявий ҳисоботларни тақдим этиш асосини, корхонанинг олдинги даврлардаги молиявий ҳисоботлари ҳамда бошқа корхоналарнинг молиявий ҳисоботлари билан қиёсланувчанликни таъминлаш мақсадини белгилайди. У молиявий ҳисоботларни тақдим этишга нисбатан умумий талабларни, уларнинг тузилишига оид кўрсатмаларни ҳамда уларнинг мазмунига доир минимал талабларни ўрнатади.
Бухгалтерия ҳисоби миллий стандарти (БҲМС) Ўзбекистон Республикасининг "Бухгалгерия ҳисоби тўғрисида"ги Қонуни асосида ишлаб чиқилган бўлиб, Ўзбекистон Республикасида бухгалтерия ҳисобини меъёрий асосда бошқариш тизимининг унсури ҳисобланади. Ушбу стандарт бошқа БҲМСлар билан биргаликда қўлланилади.

Мақсади (МҲХС ва БҲМС)

Молиявий ҳисоботлар (financial statements) - корхонанинг молиявий ҳолати ва молиявий натижаларининг тартибга солинган ифодасидир. Молиявий ҳисоботларнинг мақсади турли фойдаланувчилар учун иқтисодий қарорларни қабул қилишда фойдали бўлган, корхонанинг молиявий ҳолати, молиявий натижалари ва пул оқимлари тўғрисидаги маълумотларни таъминлашдан иборатдир. Молиявий ҳисоботлар, шунингдек, раҳбарият томонидан унга ишониб топширилган ресурслар бошқарилишининг натижаларини акс эттиради.
БҲМС хўжалик юритувчи субъектнинг турли ҳисобот даврларидаги молиявий ҳисоботлари, шунингдек турли хўжалик юритувчи субъектларнинг молиявий ҳисоботлари қиёсланишини таъминлаш мақсадида хўжалик юритувчи субъект молиявий ҳисоботини шакллантириш ва тузиш учун асосларни белгилаб беради.
Айрим операциялар ва воқеаларни акс эттириш, уларни ўлчаш ва очиб бериш учун батафсил талаблар бошқа БҲМСларда баён қилинади.
Мазкур стандарт молиявий ҳисоботдан ташқари тақдим этилиши лозим бўлган ахборотларга талабларни баён қилмайди. Масалан, хўжалик юритувчи субъектлар молиявий ҳисоботга қўшимча ахборот сифатида молиявий шарҳларни тақдим этишлари мумкин.