Beshinchi dars

I. Savol va topshiriqlar:

1. 
   Ertakni o‘qing.
   
2. 
   Xalq og‘zaki ijodi va ertak haqida fikr yuriting.
   
3. 
   “Ertak” so‘zining ma’nodoshlarini ayting.
   
4. 
   “Varsaki” so‘zi yana qanday ma’nolarga ega?
   
5. 
   “Ertak”, “matal”, “ushuk”, “varsaki”, “cho‘pchak” so‘zlarining etimologiyasi haqida ma’lumot bering.
   
6. 
   Ertaklarning mavzuiy guruhlarini davom ettiring: 1) hayvonlar haqida ertaklar, 2)…
   
7. 
   “Sehrli ertaklar”, “fantastik ertaklar” bir xil tushunchalarni ifodalaydimi? Fikringizni misollar bilan asoslab bering.
   
8. 
   Hajviy ertaklarga misollar keltiring.
   
9. 
   “Xalqimiz yaratgan xayoliy hikoyalar orasida shunday turkum ertaklar borki, ularni biz hayotiy-maishiy ertaklar deb ataymiz” gapini sharhlang. Ya’ni xayoliy ertaklar hayotiy-maishiy ertaklarmi? Avval o‘quvchi ertakni (bir marta lozim bo‘lsa 2-3 marta o‘qib beradi).
   
10. 
    “Uch og‘a-ini botirlar” ertagida otaning o‘g‘illarini tarbiyalashida uch narsaga amal qiladi. Bu qanday amallar edi.
    
11. 
    Uch og‘a-ini nimaga amal qilgani uchun xavf-xatarlardan omon qoladi?
    
12. 
    Ertakka ko‘ra, nega va’dani buzish yaramaydi?
    
13. 
    Kenja botir shohni o‘ldirmoqchi bo‘lmaganini qanday isbotlab beradi?
    

II. Matnni fonetik tahlil qiling.

1. 
   Fonetika haqida ma’lumot bering.
   
2. 
   O‘zbek tilida qancha tovush bor?
   
3. 
   Tovush va harfni farqlaysizmi?
   
4. 
   Sizningcha, o‘zbek tilida necha harf bor?
   
5. 
   Urg‘u nima? Urg‘u olgan tovush qanday talaffuz qilinadi?
   
6. 
   O‘zbek tilida urg‘u so‘zning qaysi bo‘g‘iniga tushadi?
   
7. 
   O‘zbek tilida urg‘u barqarormi yoki o‘z o‘rnini almashtirib turadimi?
   
8. 
   Nima deb o‘ylaysiz: “ertakchi”, “matalchi” so‘zlari ertak, matal to‘quvchinimi yoki ularni aytib beruvchinimi ifodalaydi; -chi bilan yasalgan so‘zlarga misollar keltiring.
   
9. 
   Yovuz, mukofot, shunday kabi so‘zlardagi i bilan uyg‘un, ushuk, mavzu, uy, kuy singari so‘zlardagi i bilan bir xil tovushni ifodalaydimi?
   
10. 
    Unli tovushlar qanday hosil bo‘ladi? Undosh tovushlar-chi? “H” tovushining hosil bo‘lishiga e’tibor bering va xulosangizni ayting.
    
11. 
    “O‘zbek tilining imlo lug‘ati”da tarkibida “u” bo‘lgan so‘zlar talaffuziga e’tibor qiling.
    
12. 
    “So‘z yasalishi” deganda nima nazarda tutiladi?
    
13. 
    Ertakdan -chi va -lik qo‘shimchalari bilan hosil qilingan so‘zlarni toping va ular qanday ma’nolarni (aniq, mavhum) ifodalayotganiga e’tibor bering.